china-sent-new-satellite-to-space

چین نے نیا سیٹلائٹ خلا میں بھیج دیا

بیجنگ: چین نے نیو جنریشن میٹرولوجی سیٹلائٹ خلا میں بھیج دیا۔

تفصیلات کے مطابق چین نے خلا میں فِنگ یُن 4 بی نیو جنریشن سیٹلائٹ خلا میں بھیج دیا ہے، جو موسمیاتی پیش گوئی، موسمیاتی تجزیے اور ماحول و قدرتی آفات کی مانیٹرنگ کے لیے استعمال ہوگا۔

شنہوا نیوز کی خبر میں کہا گیا ہے کہ ’فِنگ یُن 4 بی‘ نامی یہ سیٹلائٹ لانگ مارچ۔3 بی راکٹ کے ذریعے صوبہ سیچوان کے شی چنگ سیٹلائٹ اسٹیشن سے خلا میں بھیجا گیا۔

چین نے نیا سیٹلائٹ خلا میں بھیج دیا 1

حکام کا کہنا ہے کہ یہ سیٹلائٹ مدار میں پہنچ گیا ہے، جسے چین کا محکمہ موسمیات کنٹرول کرے گا، یہ سیٹلائٹ دسمبر 2016 میں خلا میں بھیجے گئے ’فِنگ یُن 4 اے‘ سیٹلائٹ کے ساتھ مل کر موسمیاتی مانیٹرنگ نیٹ ورک تشکیل دے گا۔

یاد رہے کہ چند دن قبل چین کا ایک مال بردار خلائی جہاز تیان ژو-2 خلائی اسٹیشن پر کامیابی کے ساتھ لنگر انداز ہوا تھا، چین نے اس خلائی جہاز کے ذریعے آلات اور دیگر اشیا خلائی اسٹیشن کی طرف روانہ کی تھیں۔

واضح رہے کہ چینی ماہرین کی جانب سے خلا سے متعلق پیش کردہ اپنے منصوبے 2 سال میں مکمل کرنے کے لیے تیزی سے کام جاری ہے، مذکورہ جہاز کی لینڈنگ کا تجربہ بھی اُن میں‌سے ایک تھا، ان منصوبوں‌ میں مدار کی تعمیر مکمل کرنے کا منصوبہ بھی شامل ہے۔

اس خبر پر اپنی رائے کا اظہار کریں

اپنا تبصرہ بھیجیں