purposeful-global-support-is-needed

‏’علاقائی تنازعات کے حل کیلیے بامقصدعالمی حمایت ضروری ہے‘‏

آرمی چیف جنرل قمر جاوید باجوہ نے کہا ہے کہ عالمی امن واستحکام کا دار و مدار خطے کے ‏دیرینہ تنازعات کے حل میں ہے علاقائی تنازعات اور چیلنجز کےحل کیلئے بامقصدعالمی حمایت ‏ضروری ہے۔

آئی ایس پی آر کے مطابق آرمی چیف جنرل قمرجاویدباجوہ نے جرمنی کے سرکاری دورے کے ‏دوران جرمن وزیرخارجہ سےملاقات کی جس میں پاکستان افغانستان کےخصوصی نمائندہ جرمنی ‏بھی شریک تھے۔

ملاقات میں باہمی دلچسپی علاقائی سیکیورٹی کی صورتحال اور افغان امن عمل پر تبادلہ خیال کیا ‏گیا جب کہ باہمی تعاون کو فروغ دینےسےمتعلق امور بھی زیرغور آئے۔

Image

اس موقع پر آرمی چیف کا کہنا تھا کہ پاکستان جرمنی کےساتھ تعلقات کوخصوصی اہمیت دیتا ہے ‏پاکستان جرمنی کے ساتھ مختلف شعبوں میں باہمی تعاون کو مزید فروغ دینےکاخواہاں ہیں۔

جرمن وزیرخارجہ اور نمائندے نے خطےمیں امن و استحکام کیلئے پاکستان کی کوششوں کو سراہا، ‏جرمنی کی جانب سےمختلف شعبوں میں باہمی تعاون کو مزید فروغ دینے کے عزم کا اعادہ بھی ‏کیا گیا۔

Image

آئی ایس پی آر کے مطابق آرمی چیف جنرل نےجرمن کمانڈ اور اسٹاف کالج سےخطاب بھی کیا جس ‏میں آرمی چیف نے پاکستان کی علاقائی، داخلی سیکیورٹی کے پہلوؤں، درپیش چیلنجز اور خطرات ‏سے نمٹنے کے حوالے بات کی۔

اس خبر پر اپنی رائے کا اظہار کریں

اپنا تبصرہ بھیجیں