انٹرنیٹ سروس معطل، وزارت داخلہ کا نوٹیفکیشن جاری 1

انٹرنیٹ سروس معطل، وزارت داخلہ کا نوٹیفکیشن جاری

وزارت داخلہ نے لاہور کے مختلف علاقوں میں انٹرنیٹ سروس معطل کرنے کا نوٹیفکیشن جاری کردیا۔

وزارت داخلہ کے نوٹیفکیشن میں کہا گیا ہے کہ لاہور کے مزید علاقوں میں انٹرنیٹ سروس معطل کردی گئی، داتا دربار، شاہدرہ، راوی پل پر انٹرنیٹ سروس بند کردی گئی۔

واضح رہے کہ اس سے قبل پاکستان ٹیلی کمیونیکیشن اتھارٹی (پی ٹی اے) نے لاہور کے کئی علاقوں میں انٹرنیٹ سروس معطل کردی تھی۔

ذرائع کا کہنا تھا کہ وزارت داخلہ کی جانب سے چیئرمین پی ٹی اے کو لکھے گئے خط میں کہا گیا تھا کہ فوری طور پر احکامات پر عمل کرتے ہوئے سمن آباد ، شیراکوٹ ، نواں کوٹ ، گلشن راوی ، سبزہ زار اور اقبال ٹاؤن میں انٹرنیٹ سروسز معطل کر دی جائے۔

یہ بھی بتایا گیا تھا کہ کارروائی کی درخواست محکمہ داخلہ پنجاب نے کی ہے۔

مراسلے میں اتھارٹی کو ہدایت کی گئی تھی کہ انٹرنیٹ خدمات بشمول ڈیٹا سروسز وائی فائی اور فکسڈ لائن ڈی ایس ایل ، دوبارہ کھولنے کی مزید درخواست تک معطل رہیں گی۔

اس خبر پر اپنی رائے کا اظہار کریں

اپنا تبصرہ بھیجیں