kashif-zameer-cheat-with-engin-altan

ارطغرل غازی کے ہیرو کو پاکستان بلانے والا فراڈیہ انگین آلتن کے ساتھ بھی ہاتھ کر گیا

لاہور: ترکی کے شہر آفاق ڈرامے ارطغرل غازی کے مرکزی کردار کو پاکستان مدعو کرنے والا شخص فراڈیا نکلا جس نے دھوکا دہی میں‌ مہمان اداکار کو بھی نہ بخشا اور ملک کا تشخص بھی پامال کردیا۔

ترک ڈرامہ سیریل ارطغرل غازی کے ہیرو کو پاکستان مدعو کرنے والے کاشف ضمیر کے بارے میں انکشاف ہوا ہے کہ وہ 8 مقدمات میں پولیس کو مطلوب ہے۔

کاشف ضمیر کے خلاف فراڈ، ڈکیتی، چوری سمیت 8 سنگین مقدمات درج ہیں، جن میں سے چار لاہور، دو ٹوبہ ٹیک سنگھ اور لین دین کے تنازع پر دو سیالکوٹ میں ایف آئی آر درج ہیں۔

پنجاب پولیس کے مطابق کاشف ضمیر لاہور، سیالکوٹ اور ٹوبہ ٹیک سنگھ میں اشتہاری ہے۔

ترک اداکارکو بلانے والے نوسرباز نے انگین آلتن کو بھی نہ بخشا اور لاکھوں ڈالرز کا چونا لگا دیا، کاشف ضمیر نے آنگین آلتن سے دس لاکھ ڈالرز کا معاہدہ کیا اور انہیں صرف آدھی رقم ادا کی، رقم پوری نہ ملنے پر ارطغرل غازی کے ہیرو انگین وطن واپس روانہ ہوئے۔

یہ بات بھی سامنے آئی ہے کہ آنگین آلتن کو پہلی بار پاکستان مدعو کرنے والی کنسٹرکشن کمپنی کی بھی کوئی حقیقت نہیں بلکہ وہ بھی فراڈ ہے۔ رپورٹ کے مطابق دھوکا دہی اور معاہدے کی رقم آدھی ادا کرنے کی وجہ سے ترکی میں پاکستان کا امیج بہت زیادہ متاثر ہوگا۔

ارطغرل غازی کے ہیرو کو پاکستان بلانے والا فراڈیہ انگین آلتن کے ساتھ بھی ہاتھ کر گیا 1
ارطغرل غازی کے ہیرو کو پاکستان بلانے والا فراڈیہ انگین آلتن کے ساتھ بھی ہاتھ کر گیا 2
ارطغرل غازی کے ہیرو کو پاکستان بلانے والا فراڈیہ انگین آلتن کے ساتھ بھی ہاتھ کر گیا 3
ارطغرل غازی کے ہیرو کو پاکستان بلانے والا فراڈیہ انگین آلتن کے ساتھ بھی ہاتھ کر گیا 4
ارطغرل غازی کے ہیرو کو پاکستان بلانے والا فراڈیہ انگین آلتن کے ساتھ بھی ہاتھ کر گیا 5
ارطغرل غازی کے ہیرو کو پاکستان بلانے والا فراڈیہ انگین آلتن کے ساتھ بھی ہاتھ کر گیا 6

اس خبر پر اپنی رائے کا اظہار کریں

اپنا تبصرہ بھیجیں