دنیا میں کمر درد کا مرض عام ہوتا جا رہا ہے اس حوالے سے ہونے والی تحقیق میں محققین نے یہ پیشگوئی کی ہے کہ 2050 تک دنیا کی 10 فیصد آبادی اس مرض کا شکار ہوجائے گی۔
غیر ملکی میڈیا دنیا میں کمر درد کا مرض عام ہوتا جا رہے ہے جو بلا تفریق، عمر، جنس اور رنگ ونسل حملہ آور ہوتا ہے اور انسان کو اپنا شکار بنا کر شدید اذیت میں مبتلا کر دیتا ہے اور بعض اوقات یہ بیماری متاثرہ شخص کو زندگی بھر کے لیے معذوری میں بھی مبتلا کر دیتی ہے۔
اس حوالے سے ایک نئی تحقیق ہوئی ہے جس میں بتایا گیا ہے کہ 2050 تک 84 کروڑ سے زائد افراد (دنیا کی آبادی کا لگ بھگ 10 فیصد) کمر درد کے مرض میں مبتلا ہو جائیں گے۔
اس تحقیق کے لیے 30 سال سے زائد عرصے تک حاصل ہونے والے ڈیٹا کا جائزہ لیا گیا تو معلوم ہوا کہ کمر کے نچلے حصے میں درد کی شکایت می مبتلا افراد کی تعداد میں مسلسل اضافہ ہو رہا ہے اور آئندہ 27 سال بعد یعنی 2050 تک آبادی بڑھنے اور عمر بڑھنے کی وجہ سے اس مرض کا شکار افراد کی تعداد 84 کروڑ 30 لاکھ سے زائد ہوسکتی ہے۔
تحقیق کے مطابق براعظم آسٹریلیا میں 2050 تک اس کیفیت میں 50 تک اضافہ ہوجائے گا جبکہ ایشیا اور افریقا میں کمر درد کے کیسز میں سب سے زیادہ اضافے کے بعد اس مرض کے حوالے سے منظرنامے میں تبدیلی آسکتی ہے۔
تحقیق میں سابقہ سالوں کا تجزیہ بھی پیش کیا گیا ہے جس میں بتایا گیا ہے کہ تحقیق میں کمر درد کے کیسز کے حوالے سے کئی معلومات سامنے آئی ہیں۔ 2017 کے بعد سے کمر کے نچلے حصے میں درد کے کیسز کی تعداد 50 کروڑ سے تجاوز کر چکی تھی جب کہ 2020 میں کمر درد کے کیسز کی تعداد تقریباً 61 کروڑ90 لاکھ تھی جبکہ ایک تہائی افراد کے معذور ہونے کا تعلق کمر درد سے تھا جس کا سبب پیشہ ورانہ عوامل، تمباکو نوشی اور وزن کا زیادہ ہونا تھا۔
کمر کے نچلے حصے کے درد کے متعلق ایک غلط خیال یہ پیش کیا جاتا ہے کہ یہ عموماً ان افراد کو ہوتا ہے جو نوکری کر رہے ہوتے ہیں۔ لیکن محققین کا کہنا ہے کہ تحقیق میں اس بات کی تصدیق کی گئی ہے یہ کیفیت بوڑھے افراد میں زیادہ عام ہے جبکہ مردوں کے مقابلے میں خواتین اس تکلیف میں زیادہ مبتلا ہوتی ہیں۔
کمر درد کےعلاج میں مسلسل عدم توجہی اور محدود طبی آپشن سے محققین کو یہ فکر لاحق ہوگئی ہے کہ یہ کسی صحت کے بحران کا پیش خیمہ ثابت ہوسکتا ہے، کیوں کہ دنیا بھر میں معذوری کی سب سے بڑی وجہ کمر کے نچلے حصے میں درد ہے۔
