عالمی میڈیا اور سائنسدانوں نے بھارت کی مون لینڈنگ کا بھانڈا پھوڑ دیا، بھارت کے چاند کے جنوبی قطب میں اترنے کا دعویٰ جھوٹا نکلا۔،
تفصیلات کے مطابق گزشتہ ماہ بھارت چاند تک رسائی حاصل کرنیوالا دنیا کاچوتھا ملک بنا اور عالمی سطح پر توجہ کا مرکز بنا رہا۔
اس حوالے سے غیرملکی خبر رساں ادارے دی بلومبرگ کی رپورٹ کے مطابق بھارتی مون مشن چندریان تھری کو4 ستمبر کو سلیپ موڈ میں منتقل کردیا گیا تھا تاہم بعدازاں اسے دوبارہ آن نہیں کیا جاسکا۔
کامیاب چینی مون مشن کے بانی اویانگ زیوآن نے بھارت کے اس دعوے کو جھوٹا قرار دیتے ہوئے کہا کہ تفصیلی ریسرچ کے بعد واضح ہوگیا ہے کہ بھارت نے چندریان 3 کے ساؤتھ پول پر پہنچنے کا جھوٹا دعویٰ کیا۔
اویانگ زیوآن کا کہنا ہے کہ بھارتی چندریان ساؤتھ پول کے قریب تک بھی نہیں پہنچ سکا، چین اس وقت دنیا میں سب سے بہترین اسپیس ٹیکنالوجی کا حامل ہے اور عالمی سطح پر مضبوط ساکھ رکھتا ہے۔
اشوک سوئین نے بھی ٹوئٹ میں لکھا کہ چین کے سائنسدانوں نے بھارتی مون لینڈنگ کے مشن کو جھوٹا قرار دے دیا ہے۔
