جرمنی (بیوروچیف تیزخبر نیوز برلن، مہوش ظفر )پاکستان تحریک انصاف جرمنی کے رہنماء رانا ثاقب خالد اور سماجی شخصیت و شاعر عمران علی منج نے جرمنی کے مشرقی شہر کیمنٹزکے مقامی ریسٹورنٹ میں ادبی محفل و مشاعرہ کا اہتمام کیا جس میں جرمنی بھر کے مختلف ادبی تنظیموں کے رہنماؤں، اردو کے پروفیسرز. شاعروں اور ادبی حلقے کے معروف شخصیات اور ادب سے محبت کرنے والوں نے شرکت کی
تقریب میں اردو انجمن برلن کے جنرل سیکرٹری معروف شاعر انور ظہیر رہبر، پروفیسر و صحافی عشرت معین سیما، ہلمبڈ یونیورسٹی برلن کے شعبہ اردو کے پروفیسر و بزم ادب کے جنرل سیکریٹری سرورغزالی ،نوجوان شاعروں میں سے کاشف کاظمی، سماجی شخصیت نصیر احمد ملہی، افتخار احمد، عامر عزیز ،سنی رام اور پراگ شہر سے خالدہ نے خصوصی شرکت کرکے محفل کورونق بخشا
ادبی تقریب کے اغاز میں تلاوت قران پاک و نعت مقبول شریف پیش کیا گیا میزبان رانا ثاقب خالد اور عمران علی منج نے پروفیسرز شاعر وادیبوں کر کیمنٹز شہر کے پہلی ادبی تقریب میں شرکت کرنے والوں کو دل کی تہہ گہرائیوں سے خوش آمدید کہا اور گدستے پیش کئے ۔
ادبی تقریب میں مشاعرہ کی صدارت عشرت معین سیما نے کی جبکہ نظامت کی ذمہ داری انور ظہیر رہبر نے سنبھالی۔مشاعرہ کے اغاز میں میزبان عمران علی منج نے نعت مقبول پیش کیابرلن کے ابھرتے نوجوان شاعر کاشف کاظمی، نصیراحمد ملہی، عامر عزیزنے اپنی خوبصورت غزلوں کا سما باندھ دیا۔ان کی رومانی غزلوں نے خوب داد سمیٹی، مختلف شاعرکرام نے پاکستان میں حالیہ سیلاب کے حوالے سے اپنی نئی نظمیں سنائی اور خوب داد وصولی۔
پروفیسر سرور غزالی، انور ظہیر رہبر نے اپنے تازہ کلام پیش کئے جبکہ سرور غزالی نے پاکستان کے حالیہ سیلاب سے متاثرہ افراد کی امداد کے لیے چندے کی درخواست کی اور اسی تناظر میں اپنے اشعار پیش کیے۔ مشاعرے کی صدر عشرت معین سیماء نے اپنی خوبصورت آواز میں اپنی غزلیں سنائی اپنی غزلوں پر وہ سما باندھا کہ محفل ورطہ حیرت میں ان کی غزلوں کے سحر میں مبتلا ان کے اشعار سنتی رہی۔
اختتامی کلمات میں رانا ثاقب خالد نے سامعین کی محفل کا جوق در جوق شرکت، دلچسپی اور شوق سماعت پر ان کا شکریہ ادا کیا
ادبی تقریب میں سیلاب زدگان کے لیے فنڈ اکھٹا کیا گیا جبکہ مشاعرے کے اختتام پر شرکاء کے لیے پرتکلف ظہرانہ سے مہمانوں کی ضیافت کرائی ۔
