ڈھاکا: عالمی ماحولیاتی تبدیلی کے جنوبی ایشیا میں اثرات ظاہر ہونا شروع ہوگئے ہیں جس کے باعث خطہ شدید موسم سے دوچار ہوگیا ہے۔
غیر ملکی میڈیا رپورٹ کے مطابق بھارت کے بعد بنگلہ دیش میں بھی ان دنوں شدید گرمی کی لپیٹ میں ہے،موسم کی سختی کو مدنظر رکھتے ہوئے فوری طور پر پرائمری اسکولوں کو بند کردیا گیا ہے۔
بنگلہ دیشی حکام کے مطابق ملک میں جاری گرمی کی شدید لہر کے باعث پرائمری اسکولوں کو 8 جون تک بند کردیا گیا ہے، گرمی سے شدید متاثرہ اضلاع میں راجشاہی، نوگاؤں، نیلفاماری اور دیناج پور شامل ہیں۔
ادھر محکمہ موسمیات کے حکام نے بتایا کہ شدید گرمی کی موجودہ لہر 12 جون تک جاری رہے گی،اس دوران ڈھاکا، کھلنا اور باریشال، چاند پور سمیت دیگر علاقوں میں متعدل ہیٹ ویو کا امکان ہے۔
عبدالکلام ملک کے مطابق جون میں بنگلہ دیش میں اوسط درجہ حرارت 31.9 کے لگ بھگ ہوتا تھا تاہم عالمی ماحولیاتی تبدیلیوں کے باعث اس وقت درجہ حرارت توقع سے 2 سے 8 درجے زیادہ بلند ریکارڈ کیا جارہا ہے۔
