مسلم لیگ ن کی مرکزی نائب صدر مریم نواز نے محسن بیگ کی گرفتاری پر سخت ردعمل دیتے ہوئے کہا ہے کہ آپ کوئی آسمان سے اتری مخلوق نہیں ہیں جس کی شان میں گستاخی پرشہریوں کےگھر پردھاوا،سلاخوں کے پیچھے پھینکا جائے گا۔

ٹوئٹر پر جاری بیان میں مریم نواز نے کہا کہ آپ کی اہلیہ کا جو احترام ہے وہی میری آئی سی یومیں بیہوش والدہ کا ہونا چاہیے تھا وہی احترام مخالفین کی بہنوں اور بیٹیوں کا بھی ہونا چاہیے تھا مگراس وقت آپ خوداس گندےکھیل میں شامل تھے اس وقت آپ اپنےجاہل وزرا کاحوصلہ بڑھاتے تھے۔

آپ @ImranKhanPTI کوئی آسمان سے اتری مخلوق نہیں جس کی شان میں گستاخی کرنے پر شہریوں کے گھروں پر دھاوا بولا جائے گا اور انکو سلاخوں کے پیچھے پھینکا جائے گا۔آپ کی اہلیہ کا جو احترام ہے وہی میری ICU میں بیہوش پڑی والدہ کا ہونا چاہیے تھا،مخالفین کی بہنوں اور بیٹیوں کا ہونا چاہیے تھا

— Maryam Nawaz Sharif (@MaryamNSharif) February 16, 2022

مریم نواز نے لکھا کہ جب اقتدار ہاتھ سے نکلنے لگے تو آپ جیسوں کا خوف اسی طرح سامنےآتا ہے آپ کی حرکتیں دیکھ کرمشرف کےآخری ایام یاد آجاتے ہیں عمران خان صاحب!وقت کا پہیہ گھوم چکا ہے۔

ان کا کہناتھا کہ آپ جتنی بھی ریاستی طاقت استعمال کرلیں خود کو نہیں بچاسکتے آپ کےجرائم کی فہرست میں اپنے مخالفین سے انتقام لینا ہی نہیں، ایف آئی اے، ریاستی اداروں کوذاتی مفادکیلئےاستعمال کرنابھی شامل ہے حساب تو دینا ہو گا۔