سلہٹ :بنگلہ دیش نے پاکستان کے خلاف دوسرے ٹیسٹ میچ میں پوزیشن انتہائی مضبوط کرتے ہوئے مہمان ٹیم کو جیت کے لیے 437 رنز کا بھاری ہدف دے دیا ہے۔ میچ کے تیسرے روز بنگلہ دیشی بلے بازوں نے پاکستانی باؤلرز کی ایک نہ چلنے دی اور رنز کے انبار لگا دیے۔
تفصیلات کے مطابق سلہٹ ٹیسٹ کے تیسرے روز بنگلہ دیش نے اپنی دوسری اننگز کا آغاز 110 رنز 3 وکٹوں سے کیا اور پاکستانی باؤلنگ لائن کی درگت بناتے ہوئے پوری ٹیم 390 رنز بنا کر آؤٹ ہوئی۔ پہلی اننگز کے خسارے کو ملا کر پاکستان کو اب میچ جیتنے کے لیے 437 رنز کا ہدف ملا ہے۔
بنگلہ دیش کی جانب سے مشفیق الرحمٰن نے انتہائی ذمہ دارانہ اور جارحانہ بیٹنگ کا مظاہرہ کرتے ہوئے شاندار سینچری اسکور کی، جبکہ لٹن داس اور محمود الحسن نے بہترین بلے بازی کرتے ہوئے نصف سنچریاں اسکور کر کے ٹیم کی پوزیشن کو ناقابلِ شکست بنا دیا۔
کھیل کے چوتھے روز پاکستان کو یہ مشکل ترین ہدف حاصل کرنے کے لیے کریز پر ڈٹ جانا ہوگا، جبکہ سلہٹ کی پچ پر چوتھی اننگز میں بنگلہ دیشی اسپنرز کا سامنا کرنا پاکستانی بلے بازوں کے لیے ایک کڑا امتحان ثابت ہوگا۔
