سکھر: روہڑی کے قریب ایک گاؤں میں مبینہ طور پر بھینس چوری کی کوشش کے دوران مزاحمت پر فائرنگ کا واقعہ پیش آیا، جس میں دو افراد جان کی بازی ہار گئے۔
پولیس کے مطابق، چوری کی کوشش کے دوران چوروں نے فائرنگ کی، جس کے نتیجے میں دو افراد جاں بحق اور ایک زخمی ہو گیا۔
متاثرہ خاندان کے افراد نے بتایا کہ چور گھر میں داخل ہو کر گائے کو لے جانے کی کوشش کر رہے تھے، جب مزاحمت کی گئی تو چوروں نے فائرنگ کی اور موقع سے فرار ہو گئے۔
ایس ایس پی اظہر مغل کا کہنا تھا کہ واقعہ کے بعد پولیس نے علاقے میں سرچ آپریشن شروع کر دیا ہے۔ آپریشن کے دوران پولیس اور چوروں کے درمیان فائرنگ کا تبادلہ بھی ہوا، جس میں ایک چور ہلاک ہو گیا۔ دو زخمی چور اب بھی علاقے میں چھپے ہوئے ہیں اور ان کی گرفتاری کے لیے کارروائیاں جاری ہیں۔
