اسلام آباد۔12اپریل (اے پی پی):اسلام آباد کیپٹل ٹیریٹری (آئی سی ٹی) پولیس نے اتوار کے روز وفاقی دارالحکومت کے مختلف علاقوں میں جاری کارروائیوں کے دوران مختلف مجرمانہ سرگرمیوں میں ملوث 8 ملزمان کو گرفتار کر لیا۔پولیس حکام نے اتوار کو اے پی پی کو بتایا کہ کوہسار، ترنول، شمس کالونی، سہالہ اور لوہی بھیر کی پولیس ٹیموں نے جرائم کے خلاف کریک ڈاؤن کے دوران 7 ملزمان کو گرفتار کیا ہے۔انہوں نے بتایا کہ ملزمان کے قبضے سے 217 گرام آئس، 50 بوتل شراب اور تین پستول بمعہ گولیاں بھی برآمدکئے گئے ہیں۔
انہوں نے بتایا کہ ملزمان کے خلاف مقدمات درج کر لیے گئے ہیں اور مزید تفتیش جاری ہے۔مزید برآں، اشتہاری مجرموں اور مفرور افراد کے خلاف خصوصی مہم کے دوران پولیس ٹیموں نے ایک اور مجرم کو گرفتار کیا جس سے گرفتاریوں کی کل تعداد آٹھ ہو گئی۔سینئر سپرنٹنڈنٹ آف پولیس آپریشنز اسلام آباد قاضی علی رضا نے کہا کہ اسلام آباد پولیس شہریوں کے جان و مال کے تحفظ کے لیے پرعزم ہے اور کسی کو عوامی امن خراب کرنے کی اجازت نہیں دی جائے گی۔
