اسلام آباد۔24مئی (اے پی پی):عید الاضحیٰ کی تیاریوں میں تیزی کے ساتھ ہی کریانہ کی دکانوں پر خواتین خریدار مسالہ جات اور ضروری اشیاء کی خریداری میں مصروف ہیں۔ گزشتہ سالوں کی طرح اس عیدالاضحی ٰ کی آمد نے ایک بار پھر گروسری اسٹورز پر سرگرمیاں بڑھا دی ہیں، جہاں خواتین مصالحہ جات اور کھانا پکانے کی ضروری اشیاء خرید رہی ہیں تاکہ اہل خانہ اور عزیزواقارب کیلئے روایتی ڈشز تیار کی جا سکیں۔ اس خوالہ سے دو خواتین خریداروں نے کہا ہے کہ رواں سال تیار مصالحہ جات اور روایتی مصالحے کی زیادہ مانگ ہے کیونکہ لوگ عید کے پکوانوں میں مستند ذائقے کے ساتھ ساتھ سہولت کو بھی ترجیح دیتے ہیں۔
انہوں نے مزید کہا کہ گروسری اسٹورز پر اچھی طرح سے سٹاک فراہم کئے گئے ہیں جس سے بغیر کسی مشکل کے اپنی خریداری مکمل کرنا آسان ہو جاتا ہے۔عیدالاضحی ٰکی تیاریوں کے ساتھ اسلام آباد میں گروسری اسٹورز میں بھی صارفین کی آمد میں نمایاں اضافہ دیکھا جا رہا ہے۔ صارفین مصالحہ جات، تیار مسالوں اور دیگر ضروری کھانا پکانے کی اشیاء کی خریداری کر رہے ہیں۔سٹور کے کارکنوں نے کہا ہے کہ پیکڈ مصالحہ جات اور روایتی ہول مسالوں کی مانگ میں اضافہ ہوا ہے کیونکہ بہت سے صارفین عید کی خریداری کے دوران سہولت اور مستند ذائقے کے امتزاج کو ترجیح دیتے ہیں جس سے دکانیں دن بھر مصروف رہتی ہیں۔
دو صارفین کا کہنا تھا کہ تیار مصالحہ جات ایک ترجیحی انتخاب بن رہے ہیں کیونکہ یہ کھانا پکانے کو آسان بناتے ہیں اور یکساں ذائقہ کے ساتھ گھر میں گوشت کے مختلف پکوانوں کو تیزی سے تیار کرنے میں مدد کرتے ہیں۔ایک اور گاہک نے کہا کہ ہم مقامی دکانوں سے ثابت مسالوں کی خریداری کو ترجیح دیتی ہوں۔ انہوں نے کہا کہ گھر میں گوشت کے پکوانوں اور روایتی کھانوں کی تیاری میں ثابت مصالحی جات زیادہ روایتی ذائقہ لاتے ہیں۔
گروسری سٹور پر کام کرنے والی ایک نوجوان خاتون نے کہا کہ مرد قربانی کے جانوروں کی سودے بازی میں مصروف ہیں تو خواتین گھریلو سامان ، گروسری کی خریداری اور گھر میں کھانا پکانے اور تیاریوں کے لیے درکار دیگر ضروری اشیا کا انتظام کرنے میں بھی اتنی ہی مصروف ہیں۔ایک شخص نے کہا کہ اس میں کوئی شک نہیں کہ عید سے پہلے گروسری اور ضروری اشیاء کی خریداری بڑھ جاتی ہے کیونکہ خاندان تہواروں کے دوران روایتی کھانوں اور گھریلو ضروریات کی تیاری کرتے ہیں۔
