اسلام آباد: وزیراعظم شہباز شریف کے صاحبزادے سلیمان شہباز کل رات غیر ملکی ائیرلائن کی پرواز سے اسلام آباد پہنچیں گے۔
ذرائع کے مطابق سلیمان شہباز براستہ سعودی عرب کل اسلام آباد پہنچیں گے۔
خیال رہےکہ سلیمان شہباز نے اسلام آباد ہائی کورٹ سے 13 دسمبر تک حفاظتی ضمانت لے رکھی ہے۔
دوسری جانب اسلام آباد ہائی کورٹ کی جانب سے سلیمان شہباز کی گرفتاری سے روکنے کا تحریری حکم جاری کردیا گیا ہے۔
تحریری حکم میں کہا گیا ہےکہ سلیمان شہباز کی حفاظتی ضمانت کےلیے عدالت پیشی ضروری ہے، سلیمان شہباز 13 دسمبر کو ہائی کورٹ میں سرنڈر کریں۔
