سینیٹر فیصل جاوید نے کہا ہے کہ آج جلسے میں وزیراعظم ایسا کارڈ لارہے ہیں کہ جس سے اپوزیشن کو بھی لگ پتہ جائے گا۔
سینیٹر فیصل جاوید نے اسلام آباد میں میڈیا سے گفتگو کرتے ہوئے کہا کہ آج پورے ملک سے کارکنان اس جلسے میں پہنچ رہے ہیں، یہ جلسہ ایک تاریخ رقم کرنے جارہا ہے، بیرون ملک سے کارکنان یہاں پر پہنچ رہے ہیں اور آج یہاں 10 لاکھ نہیں 15 لاکھ لوگ یہاں ہر پہنچ رہے ہیں، منحرف اراکین نے بھی واپسی شروع کردی ہے۔
ان کا کہنا تھا کہ مختاراں گل ودھ گئی ہے، اس جلسے کا پورا کریڈٹ اپوزیشن کو جاتا ہے،عوام پاکستان بچانے کی تحریک میں عمران خان کیساتھ ہیں، اپوزیشن کی کانپیں ٹانگ گئی ہیں۔
فیصل جاوید نے مزید کہا کہ وزیراعظم شام سوا چار بجے جلسے کے شرکا سے خطاب کریں گے، اس جلسے میں وزیراعظم کل ایسا کارڈ لا رہے ہیں جس سے اپوزیشن کو لگ پتا جائے گا، پاکستانیوں نے اب فیصلہ کرنا ہے کہ وہ کس کے ساتھ ہیں، حلقوں کا جائزہ لے لیں کہ پاکستان کس کےساتھ ہے۔
پی ٹی آئی سینیٹر کا یہ بھی کہنا تھا کہ عمران خان نے ان چوروں کو این آر او نہیں دینا جتنے لوگ ابھی یہاں موجود ہیں ان کے آدھے بھی یہاں اکھٹا کردیں تو مان جائیں گے۔
