استحکام پاکستان پارٹی( آئی پی پی) نے عام انتخابات کے لیے امیدواروں کی فہرست جاری کردی ۔
آئی پی پی نے قومی اور پنجاب اسمبلی کے 51 ٹکٹ جاری کیے اور قومی و پنجاب اسمبلی کی 6 نشستوں پر امیدوار کھڑے نہیں کیے۔
استحکام پاکستان پارٹی کے مطابق پارٹی کے سربراہ جہانگیرترین این اے 149، این اے 155 اور پی پی227 سے انتخاب لڑیں گے۔
آئی پی پی کے صدر عبدالعلیم خان این اے 117 اور پی پی 149 سے الیکشن لڑیں گے جبکہ غلام سرور خان این اے 54، فردوس عاشق این اے 70 سےآئی پی پی کے امیدوار ہوں گے۔
اس کے علاوہ رانا نذیر خان این اے 79،گل اصغرخان این اے 88 ، ہمایوں اختر خان این اے 97 فیصل آباد، محمدہاشم ڈوگر این اے 133 قصور ، نعمان لنگڑیال این اے 143 ساہیوال اور فیاض الحسن چوہان پی پی17 سے آئی پی پی کے امیدوار ہوں گے۔
استحکام پاکستان پارٹی کا این اے 48اسلام آباد پر ٹکٹ کا معاملہ اب بھی زیر التوا ہے۔
