لاہور: نگراں حکومت اور عمران خان کے درمیان زمان پارک کی تلاشی پر ڈیڈ لاک پیدا ہوا؟ چیئرمین پی ٹی آئی نے وجوہات بتادی۔
تفصیلات کے مطابق ایک بیان میں عمران خان نے کہا کہ کمشنر لاہور محمد علی رندھاوا کی سربراہی میں حکومتی ٹیم زمان پارک آئی تھی اور ان سے مثبت گفتگو ہوئی۔
عمران خان نے بتایا کہ آپریشن کرنے والے پولیس افسران سمیت ڈپٹی کمشنر سے ملاقات ہوئی، چیئرمین پی ٹی آئی نے بتایا کہ سرکاری حکام کو گھر کی تلاشی لینے کی اجازت نہیں دی انہیں باور کرایا کہ لاہور ہائی کورٹ کے بتائے ہوئے طریقے سے تلاشی لینے چاہیں تو لے لیں۔
سابق وزیراعظم کا کہنا تھا کہ ایک ان کا بندہ،ایک ہمارا اور ایک خاتون افسر آکرتلاشی لےلیں، سرکاری حکام نے ملاقات کے دوران مجھے آٹھ لوگوں کے نام بتائے اور کہا کہ ان افراد کو کہیں کہ وہ خود کو قانون کے حوالے کردیں۔
