سوات : سیلابی صورت حال کے باعث مہمند ڈیم پراجیکٹ پر تعمیرات روک دی گئیں،انتظامیہ صورت حال کاجائزہ لے رہی ہے۔
تفصیلات کے دریائے سوات میں انتہائی اونچے درجے کا سیلاب برقرار ہے، ترجمان واپڈا کی جانب سے بتایا گیا ہے کہ دریائے سوات کا پانی زیرتعمیرمہمند ڈیم کی ڈائی ورشن ٹنلزمیں داخل ہوگیا ہے۔
ترجمان کا کہنا تھا کہ سیلابی صورت حال کے باعث مہمند ڈیم پراجیکٹ پرتعمیرات روک دی گئیں کیونکہ دریائے سوات میں پانی کے بہاؤ میں مزید اضافہ متوقع ہے۔
واپڈا کے ترجمان نے کہا ٓہے کہ مہمندڈیم پراجیکٹ انتظامیہ صورت حال کاجائزہ لے رہی ہے اور حفاظتی اقدامات بھی کیے جارہے ہیں۔
خیال رہے شدید سیلابی صورت حال کے باعث خیبرپختونخوا کے بالائی علاقوں نوشہرہ، چارسدہ، مالاکنڈ میں ہنگامی حالت نافذ کردی گئی ہے۔
ملاکنڈ میں انتظامیہ نے دریائے سوات کےکنارے دفعہ 144 نافذ کر دی ہے۔ شہریوں کو دریائے سوات سے دور رہنے کی ہدایت کی گئی ہے۔
انتظامیہ کا کہنا ہے کہ عوام بارش اورسیلاب میں سفر سے گریز کریں۔
