اسلام آباد: وزیراعظم شہباز شریف کا کہنا ہے کہ عمران نیازی خود کو بے وقوف بناسکتے ہیں لیکن قوم کو نہیں۔
سماجی رابطے کی ویب سائٹ ٹوئٹر پر اپنے بیان میں وزیراعظم نے کہا کہ قوم نے دیکھا عمران نیازی نے پاک فوج کی قیادت کیخلاف کس طرح کے القابات استعمال کئے، ان کے سوشل میڈیا ٹرولز نے افواج کیخلاف نفرت سے بھرپور ٹرینڈز چلائے۔
شہبازشریف نے سوال اٹھایا کہ کیا شہدا کےخاندان یہ سب بھول جائیں گے؟، نیازی خود کو تو بےوقوف بناسکتے ہیں لیکن قوم کو نہیں۔
پچھلے چار مہینوں میں پوری قوم نے دیکھا کہ عمران نیازی نے افواج پاکستان کی قیادت کے خلاف کس طرح کے القابات استعمال کیے۔ان کے سوشل میڈیا ٹرولز نےافواج کے خلاف نفرت سے بھرپور ٹرینڈز چلائے۔ کیا شہداءکے خاندان یہ سب بھول جائیں گے؟
نیازی خود کو بے وقوف بنا سکتے ہیں، قوم کو نہیں۔
— Shehbaz Sharif (@CMShehbaz) August 10, 2022
قبل ازیں چیئرمین تحریک انصاف اور سابق وزیر اعظم عمران خان کا کہنا ہے کہ رجیم چینج سازش اب بھی جاری ہے، سازش میں ایک پلان ہے کہ ملک کی بڑی جماعت کو فوج کے ساتھ لڑایا جائے اور تاثر دیا جائے کہ پی ٹی آئی پاک فوج کے خلاف ہے۔
