– Advertisement –
لاہور۔15ستمبر (اے پی پی):ڈی جی ایل ڈی اے طاہر فاروق کی ہدایات پر ایل ڈی اے ٹائون پلاننگ ونگ غیرقانونی کمرشل عمارتوں، کمرشل فیس نادہندگان املاک کے خلاف متحرک ہے۔
ایل ڈی اے ٹیموں نے گزشتہ روزمختلف سکیموں اور ایل ڈی اے کنٹرولڈ ایریا میں آپریشن کرکے109املاک سربمہرکر دیں۔
– Advertisement –
ایل ڈی اے ٹیموں نے شادمان، شاہ جمال، مین کینال روڈ، وحدت روڈعلامہ اقبال ٹائون، سبزہ زار، گلبرگ، گارڈن ٹائون، قائداعظم ٹائون میں آپریشن کیا۔ایل ڈی اے ٹیموں نے غیرقانونی کمرشل استعمال، کمرشل فیس کی عدم ادائیگی پرشادمان، شاہ جمال، مین کینال روڈپر24املاک سربمہر کر دیں۔
ٹیموں نے غیرقانونی کمرشل استعمال پرگلبرگ، گارڈن ٹائون میں 22املاک، قائد اعظم ٹائون میں 45املاک سیل کر دیں۔ ریکوری آپریشن کے دوران وحدت روڈ علامہ اقبال ٹائون،سبزہ زار میں 18املاک سربمہر کر دیں۔
سیل کی گئی املاک میں نجی سکول، بیکری، کلینک، بیوٹی سیلون، ورکشاپ، فوڈ پوائنٹ،پراپرٹی آفس، دکانیں، دفاتر ودیگر شامل ہیں۔
آپریشن چیف ٹائون پلانر ون اسد الزمان اور چیف ٹائون پلانر ٹو اظہر علی کی زیر نگرانی کیا گیا۔ڈی جی ایل ڈی اے کی ہدایت پرغیرقانونی کمرشل عمارتوں،کمرشل فیس نادہندگان املاک کے خلاف بلاامتیاز کارروائیاں جاری ہیں۔
– Advertisement –
