پاکستان میں پیٹرولیم مصنوعات کی قیمتوں میں ایک بار پھر اضافہ کر دیا گیا ہے جس کے بعد مہنگائی میں بھی مزید اضافے کے خدشات کا اظہار کیا جا رہا ہے۔
حکومتِ پاکستان نے پیٹرول کی قیمت میں 12 روپے تین پیسے، ڈیزل نو روپے 53 پیسے اور مٹی کے تیل کی قیمت میں 10 روپے آٹھ پیسے فی لیٹر اضافہ کیا ہے۔
قیمتوں میں اضافے کے بعد بدھ سے شہریوں کوایک لیٹر پیٹرول 159 روپے 86 پیسے، ڈیزل 154 روپے 15 پیسے اور مٹی کا تیل 126 روپے 56 پیسے میں دستیاب ہو گا ۔
اطلاعات کے مطابق عالمی مارکیٹ میں تیل کی قیمتوں میں اتار چڑھاؤ کے سبب آئل اینڈ گیس ریگولیٹری اتھارٹی (اوگرا) نے پیٹرول ساڑھے آٹھ روپے فی لیٹر مہنگا کرنے کی تجویز دی تھی۔ تاہم حکومت نے عالمی مالیاتی فنڈ (آئی ایم ایف) کی شرائط کی وجہ سے پٹرولیم لیوی میں اضافے کو شامل کرتے ہوئے پیٹرول 12 روپے تین پیسے فی لیٹر مہنگا کیا ہے۔
حکومت کا کہنا ہے کہ قیمتوں میں حالیہ اضافہ عالمی مارکیٹ میں خام تیل کی قیمتوں میں اضافے کی وجہ سے ہے جس میں حکومت کا کوئی عمل دخل نہیں ہے۔ تاہم عوام شکوہ کر رہے ہیں کہ حکومت کا کام اپنے شہریوں کو ان مشکلات سے نکالنا بھی ہے۔
تیل کی قیمتوں میں اضافے کے بعد سوشل میڈیا پر جہاں حکومت سے ان قیمتوں کو واپس لینے کے مطالبات کیے جا رہے ہیں وہیں سوشل میڈیا صارفین کی جانب سے طنز، تنقید اور غصے سے بھری میمز بھی وائرل ہیں۔
عمر نامی صارف کہتے ہیں وزیرِ اعظم عمران خان ماہرِ ماحولیات ہیں اور وہ ہمیشہ آگے کا دیکھتے ہیں۔ ان کے بقول تیل کی قیمتوں میں اضافے سے آلودگی میں کمی لانے میں مدد ملے گی۔
Imran Khan is an environmentalist and always looks at the bigger picture. This hike will help reduce the pollution.#petrolprice pic.twitter.com/VkpAMHGMSa— Umar ➐ (@Doc_Chaudhary) February 15, 2022
پیپلز پارٹی کی رہنما اور قومی اسمبلی کی رکن ناز بلوچ کہتی ہیں پیٹرولیم مصنوعات کی قیمتیں پاکستان کی تاریخ کی بلند ترین سطح پر ہیں۔ پیٹرول کی قیمت میں 12 روپے اضافے سے ملک میں مزید مہنگائی آئے گی اور اس سے سب سے زیادہ عام افراد متاثر ہوں گے۔
#PetrolPrice hits all-time high in Pakistan, sharp increase of Rs 12 per litre will directly effect the common man and increase further inflation in the country. pic.twitter.com/k0xY6cBCRs— Naz Baloch (@NazBaloch_) February 15, 2022
سید ارحم کہتے ہیں سر عمران خان آپ متوسط طبقے کا معاشی قتل کرنے جا رہے ہیں۔ آپ اپنے حصہ کا 50 فی صد کام مکمل کر چکے ہیں اور بقیہ کام ہو رہا ہے۔
Sir Imran Khan , you are going to kill middle class families , Btw you had already done 50% of your part the rest is being done Continue it .. Allah will ask you at the day of judgement . #petrolprice— Syed Arham | LQ 💚 (@Syed__Arham) February 15, 2022
پاکستان میں سوشل میڈیا پر ‘پیٹرول پرائس’ کا ہیش ٹیگ ٹوئٹر پر ٹاپ ٹرینڈ کر رہا ہے جس میں مختلف میمز بھی شیئر کی جا رہی ہیں۔
ایک صارف نے عمران خان کے مشہورِ زمانہ فقرے ‘آپ کو گھبرانا نہیں ہے’ سے اخذ کردہ میم شیئر کی۔ اس میم میں عمران خان کے فقرے سے گھبرانا حذف کر کے اس کی جگہ بھروانا کر دیا گیا ہے۔ جس کے بعد جملہ کچھ اس طرح ہو گیا ہے۔ ‘آپ کو بھروانا نہیں ہے۔’
Imran Khan’s latest speech after increase in Petrol Prices.#PetrolDieselPrice #petrolprice pic.twitter.com/6stcv2Bmtc— Abbas Zaidi (@iamabbaszaidee) February 15, 2022
میاں عمر نامی صارف نے ڈاٹس گیم کی میم شیئر کرتے ہوئے اس پر تبصرہ کیا کہ پیٹرول کی قیمتیں بڑھانے کا معیار کچھ اس طرح ہے۔
Criteria of increasing #petrolprice 🙂 pic.twitter.com/OG43J44nW4— Mian Omer🇵🇰 (@Iam_Mian) February 15, 2022
ایک ٹوئٹر صارف نے لکھا کہ حکومت نے پیٹرول کی قیمت میں 12 روپے اضافے کے بعد عوام کے لیے صبر کارڈ جاری کر دیا ہے۔
Govt announced sabr card for masses after Rs 12 hike in petrol prices #petrolprice #inflation #petrolbomb #petrolpricehike pic.twitter.com/kRAe68RyuQ— Ni〽️Ra (@btw__Nimra) February 15, 2022
فرضی نام سے موجود ایک ٹوئٹر صارف نے میم شیئر کی جس پر تحریر تھا ‘آپ سے اچھی امید کی تھی ہم نے۔’
Awam whose support Imran Khan rather than other politicians in 2018🙂🌚#petrolprice pic.twitter.com/SHLzhqQw1u— Nimmz__🔥 (@Chlo_shaba_kato) February 15, 2022
ہانی نامی صارف نے ایک شخص کی سائیکل چلاتے ہوئے تصویر شیئر کی اور اس پر لکھا کہ یہ دن زیادہ دور نہیں۔
These days are not far🙂#petrolprice pic.twitter.com/CIgDB11TBd— H A N I 💫 (@be_like_hania) February 15, 2022
ایک ٹوئٹر صارف نے میم شیئر کی اور اس پر لکھا کہ پیٹرول کی قیمت میں اضافے کے بعد لوگ عمران خان کو برا بھلا کہہ رہے ہیں اور عمران خان کہتے ہیں کچھ سنائی نہیں دے رہا زرا زور سے بولیے۔
People giving abusing to Imran khan due to Increased #petrolpriceMeanwhile Imran Khan: pic.twitter.com/4YN3kQ5SWL— IAmShaziil (@shazilkimemes) February 16, 2022
ایک میم میں کہا گیا کہ ان دنوں بہترین تحفہ پیٹرول دینا ہے۔
وفاقی بجٹ کے بعد بارہویں مرتبہ پیٹرول کی قیمتوں میں اضافہ
حکومت کی جانب سے پٹرولیم مصنوعات کی قیمتوں میں حالیہ اضافہ ایسے وقت میں کیا گیاہے جب ملک میں گزشتہ دو سال سے مہنگائی میں مسلسل اضافہ ریکارڈ کیا جارہا ہے۔ سال 2021 میں مہنگائی کی اوسط شرح 10 فی صد سے زائد رہی جب کہ مالیاتی اداروں کے جائزوں کے مطابق موجودہ مالی سال میں بھی مہنگائی کی شرح ‘ڈبل ڈیجٹ’ میں رہنے کا امکان ہے۔
وفاقی بجٹ پیش ہونے کے بعد سے اب تک حکومت نے بارہویں مرتبہ پیٹرولیم مصنوعات کی قیمتوں میں اضافہ کیا ہے اور جون 2021 سے اب تک پیٹرول کی قیمت میں مجموعی طور پر 51 روپے 30 پیسے تک اضافہ ہوا ہے۔
اس عرصے میں ہائی اسپیڈ ڈیزل کی قیمت میں فی لیٹر 43روپے 39 پیسے، مٹی کے تیل کی قیمت میں فی لیٹر 46 روپے 56 پیسے اور لائٹ ڈیزل کی فی لیٹر قیمت میں 46 روپے 32 پیسے اضافہ ہوا ہے۔
