– Advertisement –

اسلام آباد۔15ستمبر (اے پی پی):نیشنل ایمرجنسی آپریشن سینٹر (این ای او سی) نے جنوبی خیبر پختونخوا کے اضلاع لکی مروت اور شمالی وزیرستان میں دو نئے پولیو کیسز کی تصدیق کی ہے۔جاری تفصیلات کے مطابق رواں سال پاکستان میں پولیو کے مجموعی کیسز کی تعداد 26 ہو گئی ہے ۔پولیو ایک لاعلاج بیماری ہے جو عمر بھر کی معذوری کا باعث بن سکتی ہے۔این ای او سی کے حکام نے کہا کہ انسدا پولیو کی ہر مہم میں پانچ سال سے کم عمر تمام بچوں کو پولیو سے بچائو کے قطرے لازمی پلائیں۔

وائرس کی روک تھام کے لیے جنوبی خیبر پختونخوا میں اعلیٰ معیار کی پولیو مہم جاری ہے۔ انہوں نے کہا کہ پولیو مہمات بچوں کو اس لاعلاج بیماری سے محفوظ رکھنے میں مددگار ثابت ہوتی ہیں ۔انہوں نے کہا کہ جنوبی خیبرپختونخوا، باجوڑ اور اپر دیر میں پیر سے پولیو مہم کا آغاز کر دیا گیا ہے ۔رواں ہفتے کی مہم میں 16 لاکھ 85 ہزار سے زائد بچوں کو پولیو سے بچائو کے قطرے پلائے جائیں گے۔والدین سے اپیل ہے کہ ہر مہم میں اپنے 5 سال سے کم عمر بچوں کو پولیو کے قطرے لازمی پلائیں۔

– Advertisement –