– Advertisement –

بیجنگ ۔14ستمبر (اے پی پی):چین کے صوبہ سی چھوان کے شہر چھنگ دو میں منعقدہ دوسرے گولڈن پانڈا ایوارڈز میں چائنا میڈیا گروپ نے متعدد ایوارڈز اور کئی کیٹیگریز میں نامزدگیاں حاصل کی ہیں۔ چینی میڈیا کے مطابق سی جی ٹی این نے جیوری کے خصوصی ایوارڈ کے تحت بین الاقوامی مواصلات میں خصوصی خدمات کا ایوارڈ حاصل کیا۔ چائنا میڈیا گروپ کی تیار کردہ دستاویزی فلم ہاٹ لائن بیجنگ نے دی انٹرنیشنل کمیونکیشن ایوارڈ فار چائنا سٹوری حاصل کیا۔

گولڈن پانڈا ایوارڈز میں چائنا میڈیا گروپ کی مشترکہ تیار کردہ اور پہلی بار نشر ہونے والی ٹی وی سیریز ’’شی اینڈ گرلز‘‘نے بہترین ڈرامہ سیریز اور بہترین سکرین رائٹر کا ایوارڈ حاصل کیا جب کہ سی ایم جی کی ہی مشترکہ پروڈکشن اور پہلی بار نشر ہونے والی ٹی وی سیریزبلاسم شنگھائی کی اداکار ہ نے بہترین اداکارہ کا ایوارڈ حاصل کیا۔

– Advertisement –