– Advertisement –
اسلام آباد۔19ستمبر (اے پی پی):وفاقی وزیر برائے امور کشمیر ، گلگت بلتستان و سیفران انجینئر امیر مقام نے کہا ہے کہ وزیراعظم شہباز شریف کی قیادت میں گلگت بلتستان اور آزاد جموں و کشمیر کی ترقی و خوشحالیوفاقی حکومت کی اولین ترجیح ہے۔ان خیالات کااظہار انہوں نے ایک اجلاس کی صدارت کرتے ہوئے کیا۔
اعلیٰ حکام نے آزاد جموں کشمیر میں امن و امان کی صورتحال اور ترقیاتی عمل کے حوالے وفاقی وزیر کو تفصیلی بریفنگ دی ۔انجینئر امیر مقام نے کہا کہ ماضی میں بھی اس کا عملی مظاہرہ کیا ہے اور آئندہ بھی کریں گے ، عوام کے جائز مسائل حل کرنا اپنا فرض سمجھتے ہیں ۔
– Advertisement –
انہوں نے کہا کہ بھارت کے غیر قانونی زیر قبضہ جموں و کشمیر میں سکیورٹی و انسانی حقوق کی صورتحال تشویشناک ہے ۔انہوں نے کہا کہ ہم کشمیریوں کی قربانیوں کو خراج تحسین پیش کرتے ہیں ، پاکستان حقِ خودارادیت کے حصول تک کشمیریوں کی اخلاقی، سیاسی اور سفارتی حمایت جاری رکھے گا۔اجلاس میں چیف سیکرٹری اور آئی جی آزاد جموں و کشمیر سمیت وزارت کے اعلیٰ حکام کی شرکت کی۔
– Advertisement –
