اسلام آباد:ملک میں پیٹرولیم مصنوعات کی قیمتوں میں ایک بار پھر اضافے کا امکان ظاہر کیا جا رہا ہے۔ انڈسٹری ذرائع کے مطابق، 16 ستمبر سے پیٹرول، ڈیزل، مٹی کا تیل اور لائٹ ڈیزل کی قیمتوں میں 1 روپے سے 5 روپے تک اضافہ ہو سکتا ہے۔
ابتدائی ورکنگ کے مطابق پیٹرول: 1.54 روپے فی لیٹر, ڈیزل: 4.79 روپے فی لیٹر,مٹی کا تیل: 3.06 روپے فی لیٹر, لائٹ ڈیزل: 3.68 روپے فی لیٹر مہنگا ہو سکتا ہے۔
ذرائع کا کہنا ہے کہ اوگرا 15 ستمبر کو حتمی ورکنگ پیٹرولیم ڈویژن کو ارسال کرے گا، جو وزارت خزانہ کے ساتھ مل کر فائنل سمری وزیراعظم کو بھجوائے گا۔ قیمتوں میں اضافے کی حتمی منظوری وزیراعظم دیں گے۔
