امریکی میگزین فارن افیئرز نے پاکستان کے مقابلے میں بھارت پر انحصار کی امریکی پالیسی کو ناکام قرار دے دیا ہے۔
امریکی میگزین کے آرٹیکل میں کہا گیا ہے کہ بھارت کبھی بھی امریکا کا قابل بھروسہ شراکت دار نہیں رہا اور وہ امریکا کی توقعات پر کبھی پورا نہیں اُترا ہے بلکہ باکستان زیادہ قابلِ اعتماد شراکت دار ہے۔
فارن افیئرز کے آرٹیکل میں لکھا گیا ہے کہ اب امریکا کو پاکستان پر اعتماد کر کے دیکھنا ہو گا، صدر ٹرمپ نے پاکستان کے دہشت گردی کے خلاف مؤثر اقدامات اور بھارت سے کشیدگی کم کرنے کی کوششوں کو سراہا ہے۔
امریکی میگزین کے مطابق امریکا اور پاکستان کے تجارتی و توانائی معاہدے دونوں کے لیے فائدہ مند ہیں، ریکو ڈیک سمیت پاکستانی وسائل میں امریکی سرمایہ کاری خطے کو مستحکم بنا سکتی ہے۔
آرٹیکل میں کہا گیا ہے کہ بھارت پر یکطرفہ توجہ خطے میں دراڑیں اور جنگ کا خطرہ بڑھائے گی۔
فارن افیئرز میگزین میں مزید لکھا گیا کہ پاکستان کی قومی سلامتی پالیسی میں امریکا اور چین کے ساتھ متوازن تعلقات پر زور ہے، پاکستان ماضی میں امریکا اور چین کو قریب لانے کا پل بن چکا ہے جبکہ بھارت پر مرکوز امریکی پالیسی پاکستان کو دور اور خطے میں واشنگٹن کو کمزور کرے گی۔
