– Advertisement –
اسلام آباد۔18ستمبر (اے پی پی):پاکستان سنگل ونڈو کے زیراہتمام ایس ایم ای لیویٹ پروگرام کے تحت کراچی میں ایک روزہ تربیتی ورکشاپ کا انعقاد کیا گیاجس کا مقصد ٹیکسٹائل کی چھوٹی اور درمیانی صنعتوں کو عالمی مارکیٹ کے لئے تیار کرنا تھا۔ ورکشاپ میں بتایا گیا کہ کس طرح ایس ایم ایز پی ایس ڈبلیو کی آن لائن سہولتوں اور ڈیجیٹل سسٹم سے فائدہ اٹھا کر اپنی برآمدات بڑھا اور عالمی منڈیوں میں مقابلہ کر سکتی ہیں۔ ورکشاپ میں اسٹیٹ بینک ، پاکستان کسٹمز، ٹریڈ ڈویلپمنٹ اتھارٹی آف پاکستان ، گیٹز فارما اور دیگر ماہرین نے شرکت کی۔
– Advertisement –
سیشنز میں ایس ایم ایز کی ایکسپورٹ کے لئے تیاری کے اہم پہلوؤں پر گفتگو کی گئی جن میں ریگولیٹری کمپلائنسز، نئے خریداروں اور مارکیٹس کو جاننے کے لئے ڈیٹا اینالیٹکس اور اے آئی کا استعمال، فری ٹریڈ ایگریمنٹس اور ڈیجیٹل سی او اوز کے فوائد، ایکسپورٹ فسیلی ٹیشن اسکیمز سے فائدہ اٹھانا، ڈیجیٹل ٹولز کے ذریعے لاگت میں کمی اور منافع میں اضافہ، عالمی برانڈ امیج قائم کرنا اور فنانس تک بہتر رسائی شامل تھے۔اس موقع پرپاکستان سنگل ونڈو کی جانب سے ٹریڈ لیب کے آغاز کااعلان کیاگیا جو پاکستان کا پہلا ڈیجیٹل ای-لرننگ پلیٹ فارم ہے۔
اس پلیٹ فارم پر بین الاقوامی تجارت، کسٹمز کے عمل، انٹرنیشنل مارکیٹنگ اور برانڈنگ، ایکسپورٹ پروسیجرز اور ای کامرس پر خصوصی کورسز دستیاب ہیں۔ یہ جدید ای-لرننگ پلیٹ فارم ایک اہم قدم ہے جو ایس ایم ایز بشمول خواتین کی قیادت میں چلنے والے کاروباروں کو وہ سہولتیں فراہم کرتا ہے جو نہ صرف انہیں عالمی سطح پر پھیلنے میں مدد دیں گی بلکہ پائیدار کامیابی کے حصول کے لئے بھی معاون ثابت ہوں گی۔
پی ایس ڈبلیو کے چیف ڈومین آفیسر نوید عباس میمن نے ورکشاپ کے شرکا کوبتایاکہ ایس ایم ایز پاکستان کیبرآمدات میں اضافہ کرنے کی بے پناہ صلاحیت رکھتی ہیں، اور اگر انہیں درست رہنمائی اور جدید ترین ڈیجیٹل ٹولز فراہم کئے جائیں تو ہم اس صلاحیت کو تاجر برادری اور ملکی معیشت کی خوشحالی کے لئے استعمال کر سکتے ہیں ۔انہوں نے کہاکہ پی ایس ڈبلیو میں ہمارا وژن یہ ہے کہ ہم ٹیکنالوجی کے ذریعے نیشنل ریگولیشنز خاص طور پر کراس بارڈر ٹریڈ اور متعلقہ سروسز کے لئے کمپلائنس کو آسان بنائیں ۔
ایس ایم ای ایلیویٹ کے ذریعے ہم اس وژن کو عملی جامہ پہنا رہے ہیں تاکہ برآمدی مصنوعات کی تیاری بہتر ہو اور پاکستان کی معاشی ترقی اور عالمی مسابقت میں اضافہ ہو۔ آرٹسٹک ملینرز (پرائیویٹ) لمیٹڈ کے چیئرمین یعقوب احمد نے بطور مہمانِ خصوصی ورکشاپ میں شرکت کی اور ایس ایم ایز کی ایکسپورٹ تیاری کو مضبوط بنانے میں پی ایس ڈبلیو کی کوششوں کو سراہا۔
انہوں نے کہا کہ پائیدار کامیابی کبھی راتوں رات حاصل نہیں ہوتی، یہ ان بنیادوں پر قائم ہوتی ہے جو ہمیشہ مضبوط رہتی ہیں۔ ہر کاروبار کو مہارت، محنت، اور دیانتداری کی ضرورت ہوتی ہے، دیانتداری کے بغیر کامیابی دیرپا نہیں ہو سکتی، یہی دیانتداری ہے جو ترقی کو توانائی دیتی ہے۔
– Advertisement –
