– Advertisement –
اسلام آباد۔10ستمبر (اے پی پی):وزیر اعظم محمد شہباز شریف کی خصوصی ہدایت پر نیشنل ڈیزاسٹرمینجمنٹ اتھارٹی (این ڈی ایم اے) کا سیلاب متاثر ہ علاقوں میں امدای آپریشن جاری ہے،20 ٹرکوں پر مشتمل قافلہ امدادی سامان لے کر روانہ ہوگیا ۔
این ڈی ایم اے سے جاری بیان کے مطابق اسلام آبادمیں این ڈی ایم اے کے ویئرہاؤس سےآج20 ٹرکوں پر مشتمل امدادی سامان پنجاب روانہ کیا گیا ہے، سامان پی ڈی ایم اے پنجاب کے حوالے کیا جائے گا ۔امدادی سامان میں ہیٹرز،فولڈنگ بیڈز /بسترے اوررضائیاں شامل ہیں ۔قبل ازیں 9ستمبرکو 10 ٹرکوں پر مشتمل امدادی سامان کا قافلہ بھی روانہ کیا جا چکا ہے
– Advertisement –
،این ڈی ایم اے کے مقامی وئیر ہاوس سے کمبل اور پانی کے کین بھی پی ڈی ایم اے پنجاب کے حوالےکئے گئے ۔ابھی تک پنجاب کو فراہم کیے گئے1513ٹن امدادی سامان میں کمبل،خیمے، مچھر دانیاں،پانی کے فلٹریشن پلانٹ،رضائیاں،فولڈنگ بیڈ، پانی کے کین سمیت 17کشتیاں شامل ہیں۔این ڈی ایم اے تمام متعلقہ سول اور عسکری اداروں کے ساتھ مکمل رابطے میں ہے ۔این ڈی ایم اے تمام متعلقہ اداروں کی جانب سے جاری امدادی کارروائیوں کی ہمہ وقت نگرانی کر رہا ہے۔
– Advertisement –
