– Advertisement –
اسلام آباد۔10ستمبر (اے پی پی):وزیر اعظم پاکستان کے نوجوانوں کے لیے خصوصی انیشیئیٹو کے تحت نیشنل ووکیشنل اینڈ ٹیکنیکل ٹریننگ کمیشن (NAVTTC) اور پاکستان گلوز مینوفیکچررز اینڈ ایکسپورٹرز ایسوسی ایشن (PGMEA) کے باہمی اشتراک سے فنی تربیت کے مفت کورسز کا آغاز کیا جا رہا ہے۔
یہ پروگرام PMYP اور SIFC کی مشاورت سے ترتیب دیا گیا ہے، جس کا مقصد نوجوانوں کو انڈسٹری کے ہمراہ ہنر سے روزگار کی طرف گامزن کرنا ہے۔ قومی اور بین الاقوامی سطح پر ہائی ڈیمانڈ سکلز میں انڈسٹری کے تجربہ کار اساتذہ کی زیر نگرانی تربیت دی جائے گی۔ ان کورسز میں CAD/CAM کمپیوٹرائزڈ گلوز پیٹرن میکنگ، لیدر گلوز پیٹرن میکر اور لیدر گلوز سٹچر شامل ہیں، تربیتی دورانیہ 6 ماہ پر مشتمل ہو گا اور یہ مکمل طور پر مفت ہو گا۔
– Advertisement –
اس پروگرام کے تحت نوجوانوں کو روزگار کے یقینی مواقع بھی فراہم کیے جائیں گے۔کورسز کے لیے کم سے کم تعلیمی قابلیت مڈل یا میٹرک مقرر کی گئی ہے، جبکہ عمر کی حد 16 سے 40 سال ہے۔ کلاسز کا باقاعدہ آغاز یکم اکتوبر 2025 سے ہو گا۔
خواہشمند امیدوار 25 ستمبر 2025 تک آن لائن درخواست جمع کرا سکتے ہیں۔ آن لائن اپلائی کرنے کے لیے ویب سائٹ :https://nsis.navttc.gov.pk وزٹ کریں۔
– Advertisement –
