– Advertisement –
دوحہ ۔14ستمبر (اے پی پی):نائب وزیرِاعظم و وزیرِخارجہ سینیٹر محمد اسحاق ڈار نے دوحہ میں ہنگامی عرب اسلامی سربراہی اجلاس کی تیاریوں کے سلسلہ میں وزرائے خارجہ کے اجلاس کے موقع پر اسلامی تعاون تنظیم (او آئی سی) کے سیکرٹری جنرل حسین ابراہیم طہ سے ملاقات کی۔
ترجمان دفتر خارجہ کی طرف سے اتوار کو جاری بیان کے مطابق نائب وزیرِاعظم/وزیرِخارجہ سینیٹر اسحاق ڈار اور سیکرٹری جنرل او آئی سی حسین ابراہیم طہ نے قطر اور خطے کے دیگر ممالک پر اسرائیلی حملوں کو ریاستی خودمختاری اور بین الاقوامی قوانین کی صریح خلاف ورزی قرار دیتے ہوئے شدید مذمت کی ۔
– Advertisement –
نائب وزیرِاعظم/وزیرِخارجہ اسحاق ڈار نے امتِ مسلمہ کے اتحاد اور یکجہتی کے فروغ میں او آئی سی کے تعمیری کردار پر سیکرٹری جنرل کا شکریہ ادا کیا۔ دونوں رہنماؤں نے موجودہ نازک صورتحال میں اسرائیلی جارحیت کے خلاف متحدہ اسلامی ردِعمل کی فوری ضرورت پر زور دیا۔دونوں رہنمائوں نے فلسطینی عوام کے لئے غیر متزلزل حمایت کے عزم کا اعادہ کیا اور خطے میں امن و استحکام کے فروغ پر زور دیا۔
– Advertisement –
