– Advertisement –
اسلام آباد۔17ستمبر (اے پی پی):قائم مقام صدر سید یوسف رضا گیلانی نے ملکی و غیر ملکی رفاعی اداروں سے اپیل کی ہے کہ وہ سیلاب سے متاثرہ آبادیوں خاص طور پر جنوبی پنجاب میں بروقت امداد فراہم کریں۔ایوان صدر کے پریس ونگ سے بدھ کو جاری بیان کے مطابق قائم مقام صدر نے زور دیا کہ امداد کا بروقت پہنچنا انتہائی ضروری ہے تاکہ سب سے زیادہ متاثرہ افراد تک مدد پہنچ سکے۔
وفاقی وزیر برائے بین الصوبائی رابطہ سینیٹر رانا ثناء اللہ خان نے بدھ کو ایوانِ صدر میں قائم مقام صدر سے ملاقات کی۔ یہ ان کی سینیٹر بننے کے بعد پہلی خیر سگالی ملاقات تھی۔ ملاقات کے دوران ملک کی مجموعی سیاسی اور امن و امان کی صورتحال پر تبادلہ خیال کیا گیا۔ بعدازاں قائم مقام صدر سے پاکستان پیپلز پارٹی کے مرکزی سیکرٹری جنرل اور خیبر پختونخوا کے سابق وزیر خزانہ ہمایوں خان نے بھی ملاقات کی جنہوں نے انہیں ملک میں پارٹی کی صورتحال سے آگاہ کیا۔
– Advertisement –
