کیلیفورنیا: وٹس ایپ نے ایک نیا اور منفرد فیچر ’’کلوز فرینڈز‘‘ متعارف کرایا ہے، جو انسٹاگرام کے مشہور فیچر سے مشابہ ہے۔ یہ فیچر فی الحال بیٹا ورژن میں آزمائشی بنیادوں پر متعارف کرایا گیا ہے۔
اس نئے فیچر کے تحت صارفین اپنے قریبی دوستوں کی ایک مخصوص فہرست بنا سکیں گے اور اسٹیٹس پوسٹ کرتے وقت انہیں یہ اختیار حاصل ہوگا کہ وہ اپنی پوسٹ سب کے ساتھ شیئر کریں یا صرف کلوز فرینڈز کے ساتھ۔ واضح رہے کہ کلوز فرینڈز کو بھیجا گیا اسٹیٹس ایک الگ رنگ میں ظاہر ہوگا تاکہ وہ عام اسٹیٹس سے ممتاز نظر آئے۔
واٹس ایپ انفارمیشن پورٹل کے مطابق یہ فیچر صارفین کو اپنی پرائیویسی پر مزید کنٹرول دے گا، کیونکہ کلوز فرینڈز کی فہرست میں کسی کو شامل یا نکالنے پر دوسرے فریق کو کوئی اطلاع نہیں جائے گی۔
مزید براں، اگر صارف اسٹیٹس پوسٹ کرتے وقت کسی کو فہرست میں شامل نہیں کرتا تو بعد میں شامل کرنے سے پرانا اسٹیٹس نظر نہیں آئے گا، اور اُسے دوبارہ اپ لوڈ کرنا ہوگا۔
