– Advertisement –
اسلام آباد۔9ستمبر (اے پی پی):محکمہ موسمیات نےانتباہ جاری کیا ہے کہ منگل کی رات اور کل بدھ کو دن کے دوران شدید بارشوں کے باعث شہید بینظیر آباد، ٹھٹھہ، بدین، سجاول، حیدرآباد،دادو ، کراچی ، لسبیلہ، پسنی، اورماڑہ، آواران اور مکران کے نشیبی علا قے /ساحلی علاقے زیر آب آنے کاخدشہ ہے، حب ڈیم میں پانی کی سطح بلند ہو سکتی ہے،اس دوران پنجاب اور سندھ کے سیلاب سے متاثرہ علاقوں میں مزید بارشوں سے صورتحال مزید خراب ہو سکتی ہے۔ اس دوران ڈیرہ غازی خان اور اس سے ملحقہ بلوچستان کے مشرقی/جنوبی حصے اور کِیرتھر کے پہاڑی سلسلہ (دادو )کے مقامی /برساتی ندی نالوں میں طغیانی کا خطرہ ہے،شدید بارشوں/آندھی/جھکڑ چلنے اورگرج چمک کے باعث روزمرہ کے معمولات متاثر ہونے ، کمزور انفرا سٹرکچر ( کچے گھر/دیواریں ،بجلی کے کھمبے،بل بورڈز،گاڑیوں سولر پینل وغیرہ)کو نقصان کا اندیشہ ہے، مسافروں اور سیاح حضرات سفر کے دوران زیادہ محتاط رہیں اور موسمی حالات کے مطابق اپنے سفر کا انتظام کریں اور بارشوں کے دوران کسی بھی ناخوشگوار صورتحال سے بچنے کے لئے موسم کے بارے میں آگاہی حاصل کریں۔محکمہ موسمیات کے مطابق آئندہ 24 گھنٹوں کے دوران جنو بی بلوچستان اور زیریں سندھ میں تیز ہواؤں/آندھی اورگرج چمک کے ساتھ بارش جبکہ جنو بی بلوچستان میں تیز موسلادھار/شدید موسلادھار بارش کی بھی توقع ہے۔
اس دواران شمال مشر قی پنجاب، کشمیر اور ملحقہ پہا ڑی علا قوں میں مطلع جزوی ابرآلود رہنے کے علاوہ چند مقامات پر تیز ہواؤں اورگرج چمک کے ساتھ بارش کا امکان ہے۔گذشتہ 24 گھنٹوں کے دوران سندھ میں تیز ہواؤں اور گرج چمک کے ساتھ بارش جبکہ کہیں کہیں موسلادھار بارش بھی ہوئی جبکہ شمال مشرقی/جنوبی پنجاب، بالائی خیبرپختونخوا، بلوچستان اور گلگت بلتستان میں چند ایک مقامات پر بارش ہوئی۔سب سے زیادہ بارش سندھ میں خیرپور 81، حیدرآباد (سٹی 73، ایئرپورٹ 61)، تھرپارکر (ڈیپلو 69، اسلام کوٹ 42، کلوئی 35، چھاچھرو 24، ڈھالی 19)، پڈعیدن59، ٹنڈو جام 53، دادو 46، ٹھٹھہ 38، مٹھی 33، کراچی (گلشنِ حدید، کورنگی 33، گلشنِ معمار 17، کیماڑی، نارتھ کراچی 16، ایئرپورٹ اولڈ ایریا 15، سرجانی ٹاؤن 14، یونیورسٹی روڈ، ناظم آباد 13، سعدی ٹاؤن 9.0، فیصل بیس، جناح ٹرمینل 08، مسرور بیس 06، ڈی ایچ اے 03)، شہید بینظیر آباد 32، سکرنڈ 18، روہڑی، چھور 14، سکھر 13، موئن جو داڑو، لاڑکانہ، میرپورخاص 05، بدین 01، پنجاب میں لاہور (سٹی 61، ایئرپورٹ 44)، لیہ 13، نارووال 10، حافظ آباد 06، خانپور 05، مری، گوجرانوالہ 04، اوکاڑہ 03، قصور 02، ملتان ایئرپورٹ، رحیم یار خان 01، خیبر پختونخوا: مالم جبہ 06، کاکول 05، دیر 04، پاراچنار 01، بلوچستان میں سبی 05، ژوب 04، گلگت بلتستان میں چلاس، استور 04، بونجی میں ایک ملی میٹر بارش ریکارڈ کی گئی۔منگل کو ریکارڈ کئے گئے زیادہ سےزیادہ درجہ حرارت نوکنڈی 43 اوردالبندین میں 42ڈگری سینٹی گریڈ ریکارڈ کیا گیا ۔
– Advertisement –
