– Advertisement –
اسلام آباد۔13ستمبر (اے پی پی):سندھ میں حالیہ طوفانی بارشوں اور درمیانے درجے کے ممکنہ سیلاب کے باعث پیدا ہونے والی صورتحال کےلئے پاک فوج نے تیاریاں مکمل کر لی ہیں۔اس حوالے سے پاک فوج اور سول انتظامیہ کے اعلیٰ حکام نے اپنی اپنی ذ مہ داریوں کا جائزہ لیا۔پاک فوج ممکنہ سیلابی صورتحال کے حوالے سے سول انتظامیہ کی پوری مدد کر رہی ہے اور مختلف جگہوں پر سیلاب کی روک تھام کےلئے بند بنانے کا سلسلہ جاری ہے ۔
سندھ میں دادو اور جامشورو میں ممکنہ طغیانی کی صورتحال کا بھی مکمل جائزہ لیا گیا اور تیاریوں کو حتمی شکل دی گئی ۔ اسی طرح سکھر اور گڈو بیراج پر ممکنہ سیلابی صورتحال سے نمٹنے کےلئے بھی تیاریاں مکمل کر لی گئی ہیں۔ واضح رہے کہ پاک فوج کے لگائے گئے میڈیکل کیمپس میں متاثرہ افراد کا مفت علاج جاری ہے جو ممکنہ سیلاب کے دوران بھی جاری رہے گا ۔متاثرین نے پاک فوج اور سول انتظامیہ کے امدادی اقدامات کو خراج تحسین پیش کیا ہے۔
– Advertisement –
