– Advertisement –
ریاض ۔13ستمبر (اے پی پی):سعودی عرب کی فضائیہ کے طیاروں نے 95 ویں قومی دن کی تقریبات کے لیے اپنی تیاریاں مکمل کر لی ہیں۔ اخبار 24 کے مطابق وزارت دفاع نے اپنے ایکس (ٹوئٹر)اکاؤنٹ پر اس حوالے سے ایک وڈیو بھی جاری کی ہے جس میں دیکھا جاسکتا ہے کہ طیاروں کو نئے رنگ میں رنگنے اور ان کی تیاری کا عمل مکمل ہو چکا ہے ، یہ تمام کام جنرل اتھارٹی برائے ملٹری انڈسٹریز(سامی) کے سینٹر میں انجام دیا گیا۔
طیاروں کو سفید اور نیلے رنگ کے مخصوص تھیم میں رنگا گیا ہے جس پر سعودی عرب کا قومی پرچم، نشان ، وژن 2030 کا لوگو اور قومی دن کی مناسبت سے 95 بھی واضح طور پر کندہ کیا گیا ہے۔ واضح رہے کہ ہر سال کی طرح اس بار بھی 23 ستمبر کو مملکت بھر کے مختلف شہروں میں فضائیہ کے طیارے شاندار ایئر شو پیش کریں گے،کس تاریخ کو کن شہروں میں ایئر شو ہوگا اس کے لیے سعودی فضائیہ سوشل میڈیا اور مختلف ذرائع سے شیڈول بھی جاری کرتی ہے۔
– Advertisement –
