– Advertisement –
لاہور۔17ستمبر (اے پی پی):وزیر تعلیم پنجاب رانا سکندر حیات نے کہا ہے کہ سروائیکل کینسر کی ویکسین پولیو ویکسین کی طرح بالکل محفوظ،مو ثر اور مستند ہے، اسے لگوانے سے کسی بھی بچی کو کسی قسم کا کوئی خطرہ نہیں ہے۔
بحیثیت وزیر تعلیم اور ذمہ دار شہری،اس ویکسین کے سو فیصد محفوظ ہونے کی گارنٹی دیتا ہوں۔وزیر تعلیم نےاپنے بیان میں کہا کہ سروائیکل کینسر ایک بڑھتا ہوا سماجی چیلنج ہے۔یہ مرض صرف پاکستان کےلئے ہی نہیں بلکہ دنیا بھر کے لئے سنگین مسئلہ بنتا جا رہا ہے۔
– Advertisement –
اس سے بچاو کیلئے حکومت کی ہدایات پر عمل کرنا اور ویکسینیشن کی قومی مہم میں شامل ہونا بہت ضروری ہے۔انہوں نے کہا کہ انہوں نے اپنی فیملی کی بچیوں کو بھی پی ایچ وی ویکسین لگوائی ہے،اس ویکسین کے حوالے سے تمام افواہیں بے بنیادہیں۔
وزیر تعلیم نے کہا کہ والدین اپنی بچیوں کو ویکسین لازمی لگوائیں۔ اس حوالے سے افواہوں پر کان نہ دھریں اور گمراہ کن باتوں سے بچیں۔
انہوں نے کہا کہ کینسر لاعلاج مرض ہے،اس کا راستہ ابھی سے روکنا ہوگا۔تمام سکولوں میں اس حوالے سے خصوصی آگاہی سیشن کا بھی انعقاد کریں گے جس میں والدین کو سروائیکل کینسر بارے آگاہی دی جائے گی۔
– Advertisement –
