– Advertisement –
اسلام آباد۔10ستمبر (اے پی پی):وفاقی محتسب اعجاز احمد قریشی نے کہا ہے کہ دنیا بھر میں کام کرنے والے محتسب کے ادارے گڈ گورننس، قانون کی حکمرانی اور موثر انتظامیہ کے فروغ کے لیے کوشاں ہیں۔ وہ گز شتہ روز چین کے شہر نانجنگ میں ایشین امبڈ سمین ایسوسی ایشن(اے او اے) کے بورڈ آف ڈائریکٹرز کے 26ویں سالانہ اجلاس اور جنرل اسمبلی کے 18ویں اجلاس سے خطاب کر رہے تھے۔ اعجاز احمد قر یشی جو 47 رکنی ایشین امبڈ سمین ایسوسی ایشن (اے او اے) کے موجودہ صدر بھی ہیں، نے دنیا بھر میں محتسبین کے اداروں کے درمیان تجربات اور بہترین طریقوں کے زیادہ سے زیادہ اشتراک اور تبادلے پر زور دیتے ہو ئے کہا کہ محتسب کے ادارے شکایات کا مفت اور فوری ازالہ کرنے اور ریاستی اداروں کی طرف سے موثر خدمات کی فراہمی کے نظام اور طریق کار کی اصلاح میں اہم کردار ادا کررہے ہیں۔
اے او اے کے بورڈ آف ڈائریکٹرز میں پاکستان کے علاوہ آذربائیجان، چین، ہانگ کانگ، ایران، جاپان، کوریا، تتا رستان اور ترکی کے محتسب کے اداروں کے سربراہان شامل ہیں۔ اجلا س میں گز شتہ سال کے دوران ایسوسی ایشن کی سرگرمیوں نیز رکن ممالک کی جانب سے محتسبین کی طرف سے قومی سطح پر کی جانے والی سرگرمیوں کا جائزہ لیا گیا۔ اجلاس میں اسلام آباد میں اے او اے سیکریٹریٹ کے اندر قائم ایسوسی ایشن کے ریسورس سینٹر میں سہولیات کو اپ گریڈ کرنے کے لئے اقدامات پر بھی غور کیا گیا۔ جنرل اسمبلی کے اجلاس کے بعد ”عوام النا س کی سہو لت کے لئے محتسب کے اداروں کا کر دار“کے موضوع پر ایک بین الاقوامی کا نفر نس کا انعقاد بھی کیا گیا جس میں ایشیائی خطے اور اس سے باہر کے وفود کی بڑی تعداد نے شرکت کی۔
– Advertisement –
وفاقی محتسب اعجا ز احمد قر یشی نے اپنے کلیدی خطاب میں کہا کہ محتسب کے ادارے ایک صحت مند ماحول کو فروغ دینے میں کلیدی کردار ادا کر تے ہیں جس کے با عث شہریوں کے حقوق کا مکمل تحفظ کیا جاتا ہے۔ انہوں نے اقوام متحدہ کے پائیدار ترقیاتی اہداف کے نفاذ میں محتسب کے اداروں کے کردار پر روشنی ڈا لتے ہو ئے کہا کہ انسانی ترقی تمام ترقیاتی کوششوں کا سنگ بنیاد ہے، اس لیے اس سمت میں آگے بڑھنے والی کسی بھی تحریک کے لیے عالمی محتسب برادری اور دیگر سٹیک ہولڈرز کے درمیان باقاعدگی سے خیالات، تجربات اور بہترین طریقوں کے تبا دلے کی ضرورت ہے۔
– Advertisement –
