– Advertisement –
اسلام آباد۔17ستمبر (اے پی پی):خیبرپختونخوا،اسلام آباد،خطہ پوٹھوہار،شمال مشرقی پنجاب ، کشمیر اورگلگت بلتستان میں آئندہ 24 گھنٹوں کے دوران آندھی اور گرج چمک کے ساتھ بارش کا امکان ہے ،اس دوران بالائی خیبرپختونخوا، خطہ پوٹھوہار ،کشمیر اور ملحقہ پہاڑی علاقوں میں چند مقامات پر تیز بارش /ژالہ باری ہو سکتی ہے، ملک کے دیگر علاقوں میں موسم خشک اورگرم رہنے کا امکان ہے۔
محکمہ موسمیات نے انتباہ جاری کیا ہے کہ بدھ کی رات اور 18 ستمبر کے دوران آندھی/جھکڑ چلنے، ژالہ باری اورگرج چمک کے باعث روزمرہ کے معمولات متاثر ہونے ، کمزور انفرا سٹرکچر ( کچے گھر/دیواریں ،بجلی کے کھمبے،بل بورڈز،گاڑیوں سولر پینل وغیرہ)کو نقصان کا اندیشہ ہے۔ مسافر اور سیاح سفر کے دوران محتاط رہیں اور موسمی حالات کے مطابق اپنے سفر کا انتظام کریں۔
– Advertisement –
گذشتہ 24 گھنٹوں کے دوران ملک کے بیشتر علاقوں میں موسم گرم اور خشک رہا تاہم بالائی خیبر پختونخوا چند مقامات پربارش جبکہ کراچی میں بونداباندی ہوئی۔سب سے زیادہ بارش خیبر پختونخوا میں دیر 18، میر کھانی 04، سندھ میں کراچی میں ایک ملی میٹر ریکارڈ کی گئی۔بدھ کو ریکارڈ کئے گئے زیادہ سےزیادہ درجہ حرارت تربت 42، دالبندین41، نورپورتھل،بھکر اور سبی میں 40ڈگری سینٹی گریڈ ریکارڈ کیا گیا۔
– Advertisement –
