– Advertisement –

لاہور۔11ستمبر (اے پی پی):مون سون بارشوں کی شدت میںکمی سے دریاوں کے بہاو میں کمی واقع ہو چکی ہے۔ترجمان پی ڈی ایم اے پنجاب کے مطابق دریاوں کے بالائی علاقوں میں بھی بارشوں کا سلسلہ رک چکا ہے۔ڈی جی پی ڈی ایم اے نے بتایا کہ دریائے ستلج گنڈا سنگھ والا کے مقام پر پانی کا بہاو1 لاکھ 82 ہزار کیوسک ہوگیا ہے جبکہ دریائے چناب مرالہ کے مقام پر پانی کا بہاو 50 ہزار کیوسک تک آ گیا ہے اوردریائے راوی جسڑ کے مقام پر پانی کا بہاو 23 ہزار کیوسک تک آ چکا ہے۔انہوں نے بتایا کہ دریائے چناب میں خانکی ہیڈ ورکس کے مقام پر پانی کا بہاو 92 ہزار کیوسک ہے، دریائے چناب میں قادرآباد کے مقام پر پانی کا بہاو 94 ہزار کیوسک ہے،ہیڈ تریموں کے مقام پر پانی کا بہاو 1 لاکھ 78 ہزار کیوسک ہے جبکہ ہیڈ تریموں پر پانی کے بہاو میں کمی ہو رہی ہے۔

پنجند کے مقام پر پانی کا بہاو 6 لاکھ 60 ہزار کیوسک ہے اورپنجند کے مقام پر پانی کے بہاو میں مسلسل اضافہ ہو رہا ہے۔ دریائے ستلج سلیمانکی کے مقام پر پانی کا بہاو 1 لاکھ 24 ہزار کیوسک ہے، دریائے راوی شاہدرہ کے مقام پر پانی کا بہا و31 ہزار کیوسک ہے،بلوکی ہیڈ ورکس کے مقام پر پانی کا بہا و63 ہزار کیوسک ہے، دریائے راوی ہیڈ سدھنائی کے مقام پر پانی کا بہاو 78 ہزار کیوسک ہے جبکہ دریائے راوی ہیڈ سدھنائی کے مقام پر پانی کا بہاو کم ہو رہا ہے۔ ڈی جی پی ڈی ایم اے نے بتایا کہ وزیر اعلی پنجاب کی ہدایات کے پیش نظر تمام محکمے الرٹ ہیںاورشہریوں کی جان و مال کے تحفظ کیلئے تمام تر وسائل بروئے کار لائے جا رہے ہیں ۔

– Advertisement –