– Advertisement –
اسلام آباد۔19ستمبر (اے پی پی):بارشوں اور سیلاب سے متاثرہ علاقوں میں مجموعی طور پر 51 گرڈ اور 579 فیڈر متاثر ہوئے، 341 فیڈر مکمل اور 231 کو جزوی طور پر بحال کر دیا گیا ہے۔
پاور ڈویژن کی جانب سے بجلی بحالی پر جاری 19 ستمبر تک کی رپورٹ کے مطابق فیسکو کے زیرِ انتظام علاقوں میں 28 گرڈ اور 81 فیڈر متاثر ہوئے، متاثرہ فیڈرز میں 49 مکمل اور 32 جزوی طور پر بحال کردئیے گئے، فیسکو کے 33535 متاثرہ صارفین کیلئے بجلی کی بحالی کا کام 19 سے 20 ستمبر تک مکمل کرنے کی توقع ہے، لیسکو کے 67 متاثرہ فیڈرز میں سے 66 مکمل اور 1 کو جزوی طور پر بحال کر دیا گیا ہے۔
– Advertisement –
لیسکو کے 441 متاثرہ صارفین کیلئے بجلی کی بحالی کا کام 20 ستمبر تک مکمل کرنے کی توقع ہے جبکہ لاہور، ننکانہ، شیخوپورہ اور اوکاڑہ میں بجلی کی بحالی کا کام مکمل کر لیا گیا ہے۔ میپکو کے 181 متاثرہ فیڈرز میں سے 17 مکمل اور 157کو جزوی طور پر بحال کر لیا گیا ہے۔میپکو کے زیرِ انتظام علاقوں میں پانی اترتے ہی متاثرہ فیڈرز کی مکمل بحالی کا کام شروع ہو جائے گا۔
رپورٹ کے مطابق گیپکوکے کے 11 گرڈز اور 103فیڈرزمتاثر ہوئے ، متاثرہ فیڈرز میں سے 101 فیڈرز مکمل اور 2 جزوی طور پر بحال ہوچکے ہیں، گیپکو کے 204 متاثرہ صارفین کیلئے بجلی بحالی کا کام سیلاب کا پانی اترنے پر مکمل کر لیا جائے گا، پیسکو کے 88 فیڈرز مکمل اور 3 جزوی طور پر بحال کردئیے گئے ہیں۔
پیسکو کے زیرِ انتظام علاقے سوات، صوابی اور ڈی آئی خان میں بجلی کی بحالی کا کام مکمل ہو چکا ہے۔ اسی طرح ٹیسکو کے علاقے شمالی وزیرستان اور خیبر کے 18 فیڈر متاثر ہوئے، ٹیسکو کے 17 فیڈر مکمل اور 1 فیڈر جزوی طور پر بحال کر لیا گیا ہے، ٹیسکو کے 996 متاثرہ صارفین کیلئے بجلی کی بحالی کا کام تقریباََ 20 ستمبر تک مکمل ہونے کی توقع ہے۔
ٹیسکو کے علاقے خیبر میں بجلی کی بحالی کا کام مکمل کرلیا گیا ہے۔ مزید برآں ہیزیکو کے زیرِ انتظام علاقے مانسہرہ کے 3 متاثرہ فیڈر مکمل طور پر بحال جبکہ سیپکو کے زیرِ انتظام علاقے کے 35 متاثرہ فیڈر عارضی طور پر بحال کر دئیے گئے ہیں۔ ترجمان پاور ڈویژن نے کہا ہے کہ متاثرہ علاقوں میں بجلی کی مکمل بحالی اولین ترجیح ہے۔
– Advertisement –
