– Advertisement –
اسلام آباد۔15ستمبر (اے پی پی):فیڈرل گورنمنٹ ایمپلائز ہاؤسنگ اتھارٹی (ایف جی ای ایچ اے ) کی جانب سے سرمایہ کاروں کو بہتر سہولیات فراہم کرنے اور سرمایہ کاری کے عمل کو شفاف، تیز اور مؤثر بنانے کے لیے قائم انویسٹر فیسلیٹیشن سیل (آئی ایف سی) نےریکارڈ مدت میں اپنے کام کا آغاز کر دیا ۔
ترجمان کے مطابق اس اقدام میں پلاننگ اینڈ بلڈنگ کنٹرول وِنگ کی انتھک محنت اور انتظامیہ ایڈمن کے بھرپور تعاون نے اہم کردار ادا کیا ہے۔
– Advertisement –
ابتدائی طور پر سرمایہ کاروں کی سہولت کے لئے جی-13/14 میں ایک عارضی دفتر قائم کیا گیا ہے جہاں سرمایہ کاری سے متعلق تمام امور نمٹائے جائیں گے۔ سرمایہ کاروں کو مزید سہولت فراہم کرنے کے لئے یہ فیصلہ کیا گیا ہے کہ صرف 25 فیصد ادائیگی پر نقشے کی اپروول دی جائے گی تاکہ سرمایہ کاری کے عمل کو مزیدآسان اور تیز بنایا جا سکے۔
ایف جی ای ایچ اے کے ترجمان کے مطابق یہ سیل سرمایہ کاروں کو جو سہولیات فراہم کرے گا ،ان میں سرمایہ کاری کے منصوبوں سے متعلق مکمل معلومات کی فراہمی،درخواستوں اور رجسٹریشن کے عمل میں رہنمائی ، سرمایہ کاروں کی شکایات کا بروقت ازالہ ،پلاننگ اٰینڈ بلڈنگ کنٹرول وِنگ میں جدید ٹیکنالوجی کے ذریعے تیز رفتار خدمات شامل ہیں ۔
مزید برآں اس اقدام کے ساتھ ایف جی ای ایچ اے نے ایک اور وعدہ پورا کر دیا ہے جو کہ سرمایہ کاروں اور عوام سے کئے گئے عہد کی عملی تعبیر ہے، یہ اقدام نہ صرف سرمایہ کاروں کا اعتماد بڑھائے گا بلکہ قومی معیشت میں بھی مثبت کردار ادا کرے گا۔
– Advertisement –
