– Advertisement –
اسلام آباد۔18ستمبر (اے پی پی):اسلام آباد میں گزشتہ 24 گھنٹوں کے دوران ڈینگی کے 24 نئے کیسز رپورٹ ہوئے ہیں۔سرکاری اعداد و شمار کے مطابق رواں سال اب تک ڈینگی کے 554 کیسز رپورٹ ہو چکے، 16 مریضوں کو اسپتال میں داخل کیا گیا ہے۔دیہی علاقوں سے 417 اور شہری علاقوں سے 137 کیسز رپورٹ ہوئے ہیں۔554 میں سے 505 کیسز پر ریسپانس مکمل ہے ۔
اب تک متاثرہ علاقوں کے 17 ہزار 176 گھروں میں اسپرے اور فوگنگ کی گئی ہے جبکہ رواں ماہ 12 ہزار 493 ڈینگی لاروا ہاٹ اسپاٹس ختم کیے گئے۔6 لاکھ 10 ہزار 580 انسدادی سرگرمیاں مکمل کی گئیں۔گزشتہ 24گھنٹوں کے دوران ڈینگی کے 24 کیس رپورٹ ہوئے جن میں سے 12 کیس دارالحکومت کے دیہی علاقوں جبکہ 12 کیس شہری علاقوں میں رپورٹ ہوئے۔جن میں سے 16 مریض ہسپتالوں میں زیر علاج جبکہ 8مریض مستحکم حالت میں ہیں۔
– Advertisement –
