mars-on-earth-turkeys-lake-salda

ترکی سے مریخ جیسی جھیل دریافت

انقرہ / نیویارک: امریکی خلائی تحقیقاتی ادارے ناسا اور ترکی کے ماہرین نے ترکی سے مریخ جیسی جھیل دریافت کی ہے۔

بین الاقوامی میڈیا رپورٹ کے مطابق ناسا کے ماہرین نے ترکی کے شمال مغربی علاقے میں موجود سالدا نامی جھیل کو مریخ سے قریب ترین قرار دیا اور  دعویٰ کیا کہ یہاں پر موجود پتھر و دیگر معدنیات کو مریخ سے حاصل ہونے والے شواہد سے بہت زیادہ ملتی جلتی ہیں۔

واضح رہے کہ ناسا کے مشن نے گزشتہ دنوں مریخ پر لینڈنگ کی جس کے بعد سے ’پرسی ویرنس‘ نامی روبوٹ وہاں سے نمونے اکٹھے کررہا ہے۔

ترکی سے مریخ جیسی جھیل دریافت 1

ناسا ماہرین کا کہنا ہے کہ سالدا جزیرے کا علاقہ مریخ پر واقع جزیرے کریٹر سے مماثلث رکھتا ہے۔ ماہرین کا خیال ہے کہ مریخ کے اس جزیرے پر کسی زمانے میں پانی موجود تھا۔

سائنس دانوں کا خیال ہے کہ سالدہ جھیل کے ساحل سے ملنے والے نمونوں سے مریخ میں ملنے والے نمونوں کو سمجھنے میں آسانی ہو گی۔ ناسا اور ترکی کے ماہرین سالدا میں زندگی کے آثار تلاش کرنے کی کوشش کررہے ہیں۔

ترکی سے مریخ جیسی جھیل دریافت 2

ناسا کے تحقیقی ماہر تھامس زربچن کا کہنا تھا کہ ’سالدا مریخ کا ہم شکل ہے، جس کی مدد سے ہم بہت کچھ سیکھ سکتے ہیں، اس حوالے سے تحقیقات بھی جاری ہیں‘۔

ترکی سے مریخ جیسی جھیل دریافت 3

واضح رہے کہ دو سال قبل بھی ترک سائنس دانوں نے اس علاقے کے ساحلوں پر تحقیق کی تھی جس کے دوران انہیں یہاں زندگی کی باقیات یا آثار نظر آئے تھے۔

ترکی سے مریخ جیسی جھیل دریافت 4

ناسا کے تحقیقی ماہر نے بتایا کہ ’ہماری تحقیقی ٹیم سالدا اور مریخ سے حاصل ہونے والے نمونوں کا جائزہ لے گی کیونکہ جزیرے کریٹر سے معدنیات بھی ملی ہیں‘۔

ترکی سے مریخ جیسی جھیل دریافت 5
ترکی سے مریخ جیسی جھیل دریافت 6

اس خبر پر اپنی رائے کا اظہار کریں

اپنا تبصرہ بھیجیں