سینیٹ میں پی ٹی آئی اپوزیشن بینچز پر آ گئی

سینیٹ میں پی ٹی آئی اپوزیشن بینچز پر آ گئی

اسلام آباد: سینیٹ میں پاکستان تحریک انصاف 28 نشستوں کے ساتھ اپوزیشن بینچز پر آ گئی ہے۔

تفصیلات کے مطابق پی ٹی آئی سینیٹ میں حکومتی بینچز سے محروم ہو کر اپوزیشن بینچز پر آ گئی ہے، پی ٹی آئی حکومت جانے کے بعد شہزاد وسیم بھی قائد ایوان نہیں رہے۔

سابق وزیر اعظم عمران خان نے شہزاد وسیم کو قائد ایوان مقرر کیا تھا، انھوں نے آج استعفیٰ دیا، تاہم اب ڈاکٹر شہزاد وسیم سینیٹ میں قائد حزب اختلاف بن گئے ہیں، سینیٹ میں بطور قائد حزب اختلاف ان کا نوٹیفکیشن بھی جاری ہو گیا۔

ذرائع کا کہنا ہے کہ سینیٹ میں یوسف رضا گیلانی قائد ایوان بن سکتے ہیں۔