سعودی ولی عہد محمد بن سلمان نے فطرت کے ساتھ پائیداری سے ہم آہنگ ماحول دوست شہر ‘دا لائن’ کا ڈیزائن جاری کردیا۔
عرب کے صحرا میں ‘نیوم’ کے نام سے شروع کیے گئے کھربوں ڈالر کے پروجیکٹ جس کو خوابوں کا شہر بھی کہا جاتا ہے 34 مربع کلومیٹر اراضی پر واقع ہوگا اور 90 لاکھ مکینوں کی رہائیش کا مسکن ہوگا۔ ولی عہد محمد بن سلمان نے وہاں بسائے جانے والے شہر کا نام ‘دی لائن رکھا ہے کیوں کہ یہ ایک لمبی لکیر کی طرز پر مبنی ڈیزائن ہے,محمد بن سلمان نے “دی لائن کا تصور بیان کرتے وقت کہا کہ یہ جدید ترقیاتی معاشروں کے لیے ایک مثال ہوگا۔
دی لائن کا منفرد ڈیزائن میں آمنے سامنے دو ہوبہو عمارتیں کھڑی دکھائی دیتی ہیں جو 500 میٹر اونچی ہوں گی۔ مکینوں کو پانچ منٹ کی پیدل سیر کے بعد لائن میں تمام سہولتوں تک رسائی حاصل ہو گی، اس کے علاوہاں ایک تیز رفتار ریل بھی ہو گی جس کا ابتدا سے آخر تک 20 منٹ کا سفر ہو گا۔
پی ایس اے کے مطابق اس طرح کی صلاحیت کے حامل کسی اور شہر کے بارے میں فی الوقت کوئی خبر نہیں ہے۔ اس میں فطرت کو ترقی پر ترجیح دی گئی ہے اور نیوم کی 95 فیصد زمین کے تحفظ میں اپنا کردار ادا کرے گا۔ یہ شہر200 میٹر چوڑا، 170 کلومیٹر لمبا ہوگا۔
His Royal Highness announces designs for #THE_LINE, the city of the future in #NEOM.#SPAGOV pic.twitter.com/LDyQrMd0lF
— SPAENG (@Spa_Eng) July 25, 2022
