کراچی میں پی ڈی ایم کے جلسے میں مریم نواز کے بجائے شہباز شریف شرکت کریں گے 1

کراچی میں پی ڈی ایم کے جلسے میں مریم نواز کے بجائے شہباز شریف شرکت کریں گے

لاہور : کراچی میں ہونے والے پی ڈی ایم کے جلسے میں مریم نواز کے بجائے شہباز شریف شرکت کریں گے ، ن لیگ نے شہباز شریف کے دورہ کراچی کا شیڈول تیار کرلیا ہے۔

تفصیلات کے مطابق ذرائع ن لیگ کی جانب سے کہا گیا ہے کہ کراچی میں پی ڈی ایم کے جلسے میں مریم نواز شرکت نہیں کرے گی بلکہ شہباز شریف جلسے میں شریک ہوں گے ، اس حوالے سے مسلم لیگ ن نے سندھ اور کراچی کی تنظیم کو تیاریوں کی ہدایت کر دی ہے۔

ذرائع کا کہنا ہے کہ ن لیگ نے شہباز شریف کے دورہ کراچی کا شیڈول تیار کرلیا ہے ، مسلم لیگ ن سندھ کے رہنما ائیرپورٹ پر شہباز شریف کااستقبال کریں گے اور مسلم لیگ ن سندھ ریلی کی شکل میں جلسہ گاہ روانہ ہوں گے۔

ذرائع کے مطابق دورے کے دوران شہباز شریف کراچی میں مختلف سیاسی و کاروباری شخصیات سے ملاقاتیں کریں گے، جس میں سندھ سے اہم شخصیات کی مسلم لیگ ن میں شمولیت کا بھی امکان ہے جبکہ شہباز شریف کراچی میں لیگی رہنماؤں اور کارکنان سے ملاقات کریں گے۔

ذرائع نے بتایا صدر مسلم لیگ ن شہباز شریف 27 اگست کو کراچی پہنچیں گے، وہ تین دن کراچی میں قیام کریں گے، اس دوران وہ پیرپگارا، جلال محمود شاہ اور امیر بخش بھٹو کے گھر تعزیت کیلئےجائیں گے اور کراچی میں بزنس کمیونٹی سے بھی ملاقاتیں کریں گے۔

اس خبر پر اپنی رائے کا اظہار کریں

اپنا تبصرہ بھیجیں