shahbaz-sharif-released-from-kot-lakhpat-jail

شہباز شریف کو کوٹ لکھپت جیل سے رہا کردیا گیا

لاہور: : اپوزیشن لیڈر شہباز شریف کو کوٹ لکھپت جیل سے رہا کردیا گیا ، اس موقع پر مسلم لیگ ن کے رہنما اور کارکن بڑی تعداد میں جیل کے باہرموجود تھے۔

تفصیلات کے مطابق لاہور کی احتساب عدالت کے جج شیخ سجاد کی عدالت میں اپوزیشن لیڈر شہباز شریف کے ضمانتی مچلکے جمع کروائے گئے، ن لیگی رہنما سیف الملوک کھوکھر اور چوہدری محمد نواز نے شہباز شریف کے مچلکے جمع کروائے ۔

عدالت میں جمع کرواٸے گٸے مچلکوں کی تصدیق کا عمل مکمل کیا گیا ، مچلکوں کی تصدیق کے بعد عدالت روبکار جاری کی جو جیل بھجوا دی گئی ہے۔

روبکار ملنے کے بعد جیل حکام اپوزیشن لیڈر شہباز شریف کو کوٹ لکھپت جیل سے رہا کردیا، اس موقع پر حمزہ شہباز، رانا ثنا اللہ ،مریم اورنگزیب سمیت کارکن بڑی تعداد موجود تھیں۔

یاد رہے ہاٸی کورٹ کے تین رکنی بنچ نے شہباز شریف کی آمدن سے زاٸد اثاثے اور منی لانڈرنگ ریفرنس میں ضمانت منظور کر کے پچاس پچاس لاکھ کے دو مچلکے جمع کروانے کا حکم دیا تھا ۔

خیال رہے مسلم لیگ ن کے رہنما شہباز شریف کی ضمانت پر رہائی کے سلسلے میں لاہور ہائی کورٹ کی جانب سے تحریری فیصلہ جاری کیا گیا تھا، فیصلے میں شہباز شریف کی ضمانت ایک جج نے منظور اور ایک نے مسترد کی تھی ، جس کے بعد ان کی ضمانت کھٹائی میں پڑ گئی،

واضح رہے شہباز شریف کو ستمبر 2020 کو لاہور ہائی کورٹ سے عبوری ضمانت خارج ہونے پر گرفتار کیا گیا تھا۔

اس خبر پر اپنی رائے کا اظہار کریں

اپنا تبصرہ بھیجیں