ن لیگ کا پیپلزپارٹی پر مبینہ طور پر ووٹ خریدنے کا الزام 1

ن لیگ کا پیپلزپارٹی پر مبینہ طور پر ووٹ خریدنے کا الزام

این اے 133 کا ضمنی الیکشن، مسلم لیگ ن کا پیپلزپارٹی پر مبینہ طور پر ووٹ خریدنے کا الزام، الیکشن کمیشن کو تحریری شکایت درج کروا دی، شکایت لیگی کارکن محمد عارف کی جانب سے جمع کروائی گئی۔

پاکستان الیکشن کمیشن کو جمع کروائی گئی شکایت کے ساتھ ووٹ خریداری کے ویڈیو ثبوت بھی جمع کروائے گئے ہیں، پاکستان پیپلز پارٹی کے امیدوار اسلم گل کی طرف سے حلقہ این اے 133 میں ووٹوں کی خریداری جاری ہے۔

شکایت میں موقف اپنایا گیا کہ امیدوار کے مرکزی انتخابی دفتر واقع پیکو روڈ اور مادرِ ملت روڈ پر فیصل میر کے ڈیرے پر ووٹ خریداری کے بڑے مراکز ہیں۔

ووٹروں کے شناختی کارڈ چیک کر کے ان کی مذہبی کتاب پر پیپلزپارٹی کے امیدوار کو ووٹ دینے کا حلف لے کر فی کس 2 ہزار روپے دئیے جا رہے ہیں، ووٹوں کی خریداری الیکشن ایکٹ کے سیکشن 167، 168 اور ضابطہ فوجداری ہی دفعہ 174 کے تحت قابل سزا جرم ہے۔ شکایت میں کہا گیا کہ الیکشن کمیشن اپنے ذرائع سے ان معلومات اور شکایت کی تصدیق کر سکتا ہے، پہلے بھی ایسی شکایت درج کروائی گئی تھی لیکن ثبوت نہ ہونے کا کہہ کر اس پر کوئی ایکشن نہیں لیا گیا تھا۔

اس خبر پر اپنی رائے کا اظہار کریں

اپنا تبصرہ بھیجیں