pm-imran-meet-cm-punjab-buzdar

وزیراعظم کی ہاؤسنگ شعبے میں کام کی پیشرفت پر کڑی نظر رکھنے کی ہدایت

لاہور : وزیراعظم عمران خان نے وزیراعلیٰ پنجاب کو ترقیاتی منصوبوں،عوامی ریلیف کے عمل کو تیز کرنے اور ہاؤسنگ شعبے میں کام کی پیشرفت پر کڑی نظر رکھنے کی ہدایت کردی۔

تفصیلات کے مطابق وزیراعظم عمران خان سےوزیراعلیٰ پنجاب عثمان بزدارکی ملاقات ہوئی ، جس میں عثمان بزدار نے صوبے کے انتظامی اور سیاسی معاملات سمیت قبضہ مافیا،جرائم پیشہ افراد کیخلاف آپریشن پر وزیراعظم کوبریفنگ دی اور رمضان ریلیف پیکج پر آگاہ کیا۔

وزیراعلیٰ پنجاب نے بتایا کہ پنجاب میں تمام اضلاع کےلئے ترقیاتی پیکیجزدیے جارہےہیں اور پسماندہ علاقوں کی ترقی کو خصوصی طورپرفوکس کیاجارہا ہے۔

عثمان بزدار کا کہنا تھا کہ مہنگائی کےخاتمے کےلئےوزراکوبھی ٹاسک سونپےہیں، رمضان میں سستی اشیاکی فراہمی کیلئےپیکیج دےرہےہیں، رمضان میں عوام کو 2018کی قیمتوں پراشیاکی فراہمی کی جائےگی۔

انھوں نے مزید بتایا کہ تعلیم،صحت،ہاؤسنگ سمیت اہم شعبوں میں اقدامات کیےجارہےہیں اور کورونا کےحوالے سےسینٹرزبناکر ویکسین لگانے کا عمل جاری ہے۔

وزیراعظم نے کورونا سے حوالے سے حکومت پنجاب کے اقدامات پر اظہاراطمینان کرتے ہوئے ہدایت کی ترقیاتی منصوبوں،عوامی ریلیف کے عمل کو تیز کیا جائے اور ہاؤسنگ شعبےمیں کام کی پیشرفت پر کڑی نظر رکھی جائے۔

اس خبر پر اپنی رائے کا اظہار کریں

اپنا تبصرہ بھیجیں