وزیراعظم عمران خان آج اقوام متحدہ کی جنرل اسمبلی سے خطاب کریں گے 1

وزیراعظم عمران خان آج اقوام متحدہ کی جنرل اسمبلی سے خطاب کریں گے

اسلام آباد : وزیراعظم عمران خان آج اقوام متحدہ کی جنرل اسمبلی کے اجلاس سے خطاب کریں گے، جس میں مسئلہ کشمیرکو اجاگر کرنے کے ساتھ ساتھ انسانی حقوق کی خلاف ورزیوں پر روشنی ڈالیں گے۔

تفصیلات کے مطابق وزیراعظم پاکستان عمران خان آج اقوام متحدہ کی جنرل اسمبلی اجلاس سے ورچؤل خطاب کریں گے ، وزیر اعظم کا خطاب پاکستانی وقت کے مطابق رات کو 1 بج کر 35 منٹ پر نشر کیا جائے گا۔

اپنے خظاب میں عمران خان مقبوضہ کشمیر میں بھارتی مظالم اور افغانستان کی صورت حال سمیت دیگر امور پر پاکستان کے مؤقف سے آگاہ کریں گے۔

وزیراعظم کے خطاب کے موقع پر وزیرِ خارجہ شاہ محمود قریشی اقوامِ متحدہ کی جنرل اسمبلی میں موجود ہوں گے۔

خطاب کے دوران وزیر اعظم عمران خان مقبوضہ کشمیرمیں بھارتی بربریت کوبےنقاب کرنے کے ساتھ ساتھ کشمیر میں انسانی حقوق کی خلاف ورزیوں پر روشنی ڈالیں گے۔

اس خبر پر اپنی رائے کا اظہار کریں

اپنا تبصرہ بھیجیں